Leigumarkaðurinn er ekkert grín ef marka má ýmislegt sem verður á vegi þeirra sem leita sér að húsnæði. Athugull lesandi sendi Kvennablaðinu þessa auglýsingu af mbl.is þar sem auglýst er þriggja herbergja íbúð á Njálsgötu til leigu fyrir 190 þúsund krónur á mánuði.
Auglýsingin er á ensku fyrir neðan í auglýsingatexta og þá er leiguverðið orðið 220 þúsund eða 30 þúsund krónum hærra. Það hlýtur að koma útlendingum sem hyggjast leigja sér húsnæði á Íslandi spánskt fyrir sjónir að sjá þennan verðmun.
