PAKODA á Íslandi eru samtök fólks um betri matarmenningu í Evrópu. Á Facebooksíðu samtakanna segir:
„Hvort sem það er pakóda, shish kebab, kúskús eða samósa, þá viljum við það og mikið af því! Við viljum arabískan mat, norður-afríska tónlist, íranskar bókmenntir og, síðast en ekki síst, allt yndislega fólkið sem færir okkur nýja menningarstrauma og það sem þeir hafa upp á að bjóða, hvaða nafni sem það nefnist.
Við viljum fordómalaust og fjölbreytt samfélag, þar sem allir fá að njóta sín og sinnar menningar án þess að verða fyrir aðkasti vegna trúarskoðana, þjóðernis eða útlits. Höfnum fordómum og undirróðri gegn erlendu fólki og aðfluttum Íslendingum en njótum fjölbreytileikans í allri sinni dásamlegu mynd.“
Í vikunni kynntu samtökin til sögunnar Pakoda matarkortið! Hafið þið prófað alla staðina?
