Ríkissaksóknari hyggst áfrýja niðurstöðu Héraðsdóms Suðurlands í máli þeirra Annþórs Kristjáns Karlssonar og Barkar Birgissonar. Báðir voru sýknaðir af ákærum um að hafa veitt Sigurði Hólm Sigurðssyni áverka sem leiddu hann til dauða í lok mars.
Börkur fær ekki að fara á Vernd
Með ákvörðuninni er lengt í málinu sem hófst árið 2012. Þá hefur Berki þegar verið hafnað um vist á Vernd vegna málsins. „Þú átt ólokið máli í refsivörslukerfinu. Þegar af þeirri ástæðu er ekki unnt að verða við erindi þínu að svo stöddu,“ segir í höfnunarbréfinu frá Vernd.
Það fjölgaði á Vernd í dag en þeir Sigurður Einarsson, fyrrverandi stjórnarformaður Kaupþings, Magnús Guðmundsson, fyrrverandi bankastjóri í Luxemborg og Ólafur Ólafsson, eigandi Samskipa og einn stærsta hluthafi Kaupþings, komu sér fyrir á Vernd í dag. Þeir njóta góðs af nýjum dýnum sem keyptar voru handa „sumum“ föngum.
Fjögurra ára rannsókn án árangurs
Sigurður Hólm lést á Litla-Hrauni 17 maí árið 2012. Þeir Annþór og Börkur voru handteknir í kjölfarið grunaðir um þátt í andláti hans.
Rannsókn lögreglu spannaði langan tíma. Við málsmeðferð kom fram að frá upphafi hafi rannsókn lögreglu miðað að því að sanna sekt þeirra tveggja en ekki komast að hinu sanna.
Á þriggja ára tímabili tókst lögreglu ekki að sanna að Sigurður Hólm hefði verið myrtur og enn síður að sanna að þeir Annþór og Börkur ættu þátt í máli. Sigurður Hólm var við slæma heilsu við komuna á Litla-Hraun og hlaut ekki þá læknisþjónustu sem hann átti rétt á.
Helgi Magnús Gunnarssonar vararíkissaksóknari sagði í samtali við verjundur – að viðstöddum blaðamönnum – við aðalmeðferð málsins í að málið færi alla leið upp í hæstarétt.
„Ákæruvaldið áfrýjar aðallega í því skyni að ákærðu verði sakfelldir fyrir þá háttsemi sem þeim er gefin sök í ákæru og þeir dæmdir til fersingar, til vara þess verði krafist að héraðsdómur verði ómerktur og málinu heimvísað. Þess er krafist að ákærðu verði gert að greiða allan sakarkostnað,“ segir í áfrýjunarstefnu ríkissaksóknara.
Kvennablaðið hefur fjallað ítarlega um mál þeirra Annþórs og Barkar en fram hefur komið að mannréttindi þeirra hafi ítrekað verið fótum troðin frá því að grunur vaknaði um aðild þeirra að andláti Sigurðar Hólm.
Sjá einnig:
- Látnir fá ekki mar – óvissan um andlát Sigurðar Hólm
- Ónafngreindi lögreglumaðurinn stígur fram
- Hafði lögreglustjóri afskipti af framburði vitnis?
- Aðalmeðferð gegn Annþóri og Berki í október
- Er lögreglan staðráðin í að sanna morð á Annþór og Börk?
- Mannréttindi víkja fyrir skynjun lögreglu
- Réttarríkið fyrir alla
- Umboðsmaður athugar lögmæti vistunar Annþórs og Barkar á öryggisgangi
- Var Sigurður Hólm myrtur?