Félag áhugamanna um heimspeki stendur fyrir pallborðsumræðum um málefni flóttamanna fimmtudagskvöldið 23. febrúar klukkan 20.00 í safnaðarheimili Neskirkju.
Saman koma þau Henry Alexander heimspekingur, Anna Lára Steindal verkefnastjóri flóttamannamála hjá Rauða krossinum, Jórunn Edda Helgadóttir átakafræðingur og einn stofnenda No Borders á Íslandi og Anna Tryggvadóttir lögfræðingur og varaformaður kærunefndar útlendingamála. Þau munu hvert frá sínu sjónarhorni ræða hin gríðarstóru siðferðislegu álitamál sem umlykja málefni flóttamanna.
