Á opnum fundi Velferðarnefndar Alþingis sem lauk á ellefta tímanum í dag mættu fulltrúar Landspítalans þau María Heimisdóttir, framkvæmdastjóri fjármálasviðs og Ólafur Baldursson, framkvæmdastjóri lækninga. Þau drógu upp koslvarta mynd af því hvaða áhrif óbreytt fjármálaráætlun ríkins fyrir árin 2018-2022 myndu hafa á heilbrigðisþjónustu landsins.
María var ómyrk í máli og sagði að Landspítalinn mæti það svo að viðbótarfjárþörf spítalans næmi 10,3 milljörðum króna. Staðan hefði verið metin og hún væri ekki til að hrópa húrra yfir. „Það er gott að vera hagsýnn en hér um við bara að tala um svelti“, sagði María.
Aðspurður um áhrif þess á samfélagið, ef fjármálaáætlun verður samþykkt sagði Ólafur að áhrifin á heilbrigðiskerfið til lengri tíma yrðu skelfileg. Einstakir áhersluþættir og forgangsröðun í áætluninni hlaut falleinkunn á fulltrúum Landspítalans.
María undraðist til dæmis að tveir milljarðar fari í sérgreinasamning við sérfræðilækna sem sé þó til athugunar hjá Ríkisendurskoðun. Undarlegt sé að setja tvo milljarða í samning sem sé illa skilgreindur að innihaldi og gagnvart því hvaða þjónustu sé verið að greiða fyrir. Eins lýsti María furðu fyrir því að það sé verið að veita öðrum tveimur milljörðum í sjúkrahúsþjónustu erlendis þegar fjársvelti blasi við innanands. Eftirspurnin eftir erlendri þjónustu sé nánast engin og gangi þetta þvert gegn vilja almennings að geta leitað sér aðstoðar innanlands.
Óhætt er að segja að aldrei áður hafi forsvarsmenn Landspitalans talað jafn umbúða- og afdráttarlaust um grafalvarlega stöðu heilbrigðisþjónustunnar. Ítrekað stíga talmenn Landspítalans fram og leiðrétta rangfærslur sem þeir telja að komi frá ríkisstjórninni. Í gær sendi Landspítalinn frá sér tilkynningu þar sem fullyrt er að alvarlegar rangærslur hafi komið fram í viðtali við Þorstein Víglundsson, félags- og jafnréttismálaráðherra deginum áður. Þar fullyrti Þorsteinn að raunútgjöld til Landspítalans hefðu verið og yrðu stóraukin.
Í tilkynningu spítalans segist hann ekki kannast við þær tölur sem lagðar séu til grundvallar þessari greiningu ráðherrans sé litið til áranna 2016 og 2017. Það skeiki 4-6 milljörðum fyrra árið en 8,5 milljörðum það síðara. Ráðherrann er því sakaður um að fara með tómt fleipur sem byggist á kolröngum tölum:
„Vandinn er að Landspítali hefur ekki fengið allt þetta fjármagn sem ráðherra gerir í sinni greiningu ráð fyrir að hafi verið veitt til spítalans á árunum 2016 og 2017 (sbr. hér að ofan). Þessi fullyrðing ráðherra, sem má segja að sé meginskilaboð hans í viðtalinu, byggir því á gögnum sem eru ekki rétt og skeikar þar allt að 8,5 milljörðum (sem nemur um 15% af raunframlagi ríkis til spítalans árið 2017“
