Niðurskurður í breska heilbrigðiskerfinu og umönnunarþjónustu leiddi á árunum 2010 til 2017 til 120.000 dauðsfalla umfram það sem annars hefði verið, samkvæmt nýlegri rannsókn.
Rannsóknin er sögð marka tímamót, en hún er sú fyrsta sem gerð hefur verið á hugsanlegum áhrifum niðurskurðarstefnu í rekstri heilbrigðiskerfis á dánartíðni. Að henni komu tíu háskólastofnanir í Oxford, Cambridge, London og á Filipseyjum.
Í rannsókninni eru opinber gögn um dauðsföll á árunum 2010–2014 borin saman við opinber útgjöld til heilbrigðismála. Á tímabilinu fjölgaði dauðsföllum á hjúkrunarheimilum verulega frá því fyrir 2010, og reyndist sterk fylgni milli dauðsfallanna og niðurskurðar opinberra fjárveitinga til umönnunar: fyrir hver £10 sem skorið var niður á hvern íbúa landsins fjölgaði dauðsföllum um rúmlega 5 á hverja 100.000 vistmenn.
Þá gáfu niðurstöður rannsóknarinnar til kynna að fjöldi fagmenntaðra hjúkrunarfræðinga við störf væri veigamest einstaki áhrifaþátturinn, eða milliliður niðurskurðar í fjárveitingum og aukinnar tíðni dauðsfalla.
Sjá nánar:
Rannsóknin sjálf:
Effects of health and social care spending constraints on mortality in England: a time trend analysis.
Umfjöllun í The Independent.
