Um síðustu helgi fór fram á Rifi Snæfellsnesi stuttmyndhátíðin Northern Wave Film Festival. Ég varð þess heiðurs aðnjótandi að stýra meistaraspjalli við Hollywood framleiðandann Gale Ann Hurd sem er einhver virtisti og afkastamesti framleiðandi í Hollywood. Hún hefur framleitt á fjórða tug stórmynda, þar á meðal Terminator 1984, Aliens 1986, The Abyss 1989, Tremors 1990, Armageddon 1998, Hell Fest 2018 svo einhverjar séu nefndar.
Gale Ann Hurd hefur síðasta áratug einnig verið öflugur framleiðandi heimildamynda og sjónvarpsefnis, þar á meðal hin geysivinsæla sjónvarpssería Walking Dead sem hefur verið í framleiðslu frá árinu 2010 og fram á þennan dag. Gale Ann Hurd hefur hlotið ótal viðurkenningar fyrir störf sín í kvikmyndaiðnaðinum og má sjá ferilskrá hennar hér.
Ég ræddi við Gale um marglitan feril hennar þar sem hún deildi af örlæti með áhlýðendum reynslu sinni af fyrstu skrefum hennar í bransanum, mikilvægustu lexíunum og góðum ráðum til þeirra sem hyggjast leggja fyrir sig feril í kvikmyndaiðnaðinum.
