200 vafaatkvæði í Reykjavík urðu til þess að RÚV endursýndi Eurovisionlög í gríð og erg meðan nóttin leið.
Á Twitter stóð fólk vaktina og var forviða og þreytt á biðinni.
Sumir gerðu athugasemdir við óbeinar auglýsingar og fannst þær ekki eiga heima í kosningasjónvarpi en Sigríður Hagalín fréttakona heimsótti meðal annars pizzustað og dásamaði ilminn.
RÚV hlýtur að standa í þeirri meiningu að kjósendur hafi meiri áhuga á að hlusta á gömul Eurovisionlög en að hlýða á almennilega stjórnmálaumræðu á kosninganótt. Dræm kjörsókn bendir til þess að það gæti verið rétt til getið.