Sonur Sáms eða „Son of Sam“ er einn af alræmdustu raðmorðingjum Bandaríkjanna. Hann myrti sex og særði sjö í New York borg á árunum 1976-77 og hélt borginni í heljargreipum óttans mánuðum saman. Morðvopnið var öflug skammbyssa, 44 kalibera.
Morðinginn hét David Berkowitz þá rúmega tvítugur, en sjálfur kallaði hann sig Sámsson í bréfasendingum til lögreglu áður en hann var handsamaður.
Þegar hann náðist játaði hann á sig öll ódæðisverkin eftir skamma yfirheyrslu og var að lokum dæmdur fyrir hvert og eitt morðanna í 25 ára fangelsi til lífstíðar eða að lágmarki 150 ára fangelsi.– og er sum sé enn í afplánun, 67 ára gamall.
David greindi frá því eftir handtökuna að hann kallaði sig „Son of Sam“ með vísan í hund nágranna síns, Sam Carr. Hundurinn væri andsetinn fornum satanískum drýsli og hefði fyrirskipað Berkowitz að fremja morðin. Sérstaklega þyrsti hann í blóð ungra kvenna. Fjölmiðlar kölluðu hundinn eftir það „Demon dog“ en hann hét að vísu bara Harvey. Þessi ferfætti Sámssonur var svartur labrador.
