Fannst eftir 30 klukkustundir í skógi eftir að faðir hans var myrtur

Ari Gersham og sonur hans Jack óku um þjóðgarðinn í Tahoe, Kaliforníuríki, þegar þeir stöðvuðu bílinn til að biðja um leiðbeiningar hjá ókunnugum manni. Þetta var á þjóðhátíðardag Bandaríkjanna, þann 4. júlí síðastliðinn.

Maðurinn hóf skothríð upp úr þurru og hitti og myrti Ara. Hinn 15 ára Jack flúði úr bílnum og inn í skóg þar sem hann var í 30 klukkustundir með einungis 1% rafhlöðu á símanum sínum.