Óvenjuleg gæludýr: 14 ára stúlka á sex kyrkislöngur

14 ára indónesísk stúlka hefur vakið mikla athygli á samfélagsmiðlum á borð við TikTok og Instagram, en hún á afar sérstök gæludýr sem hún dáir – sex risavaxnar kyrkislöngur.

Chalwa Ismah Kamal er ekki eins og flest fólk (sem sennilega myndi hoppa hæð sína að mæta einni kyrkislöngu!) og sýnir líf sitt með slöngunum sex á samfélagsmiðlum. Hún byr á Purwojero í Java og deilir öllu með þeim. Ekki virðist hún hafa miklar áhyggjur af öryggi sínu í kringum þær heldur sést knúsa þær, baða og leika sér við þær.

Margt er á huldu varðandi stúlkuna en hún á að hafa sagt í viðtali við vefsíðuna Lampung77 að hún hafi átt slöngur frá fjögurra ára aldri og kannist því ekki við að finna fyrir hræðslu í kringum þær.

Þrátt fyrir að fólk tjái iðulega áhyggjur sínar af öryggi hennar í athugasemdum við myndböndin á samfélagsmiðlum segir Chalwa að gæludýrin séu ekki eitruð, þau séu tamin og snákar hafi slæmt orð á sér sem eigi ekki við rök að styðjast.

Chalwa og yngri bróðir hennar birtast oft í myndböndunum sem hægt er að fylgjast með á Instagram og TikTok.