Hér kemur uppskrift af óvanalegum og sérstökum eftirrétt frá Viktoríu Ýr Norðdahl. Prins Póló aðdáendur geta tekið gleði sína því uppistaðan í réttinum er einmitt súkkulaðikexið sívinsæla.
Viktoría Ýr Norðdahl.
6 stk Prince Polo
1 lítil dós Bláberjaskyr
1 peli rjómi
1 krukka Bláberjasulta td. frá Den Gamle Fabrik
Notið meðalstórt form, ef kringlótt, þá ca. 25 sm. í þvermál.
Myljið Prince Pólóið og þrýstið því á botninn.
Þeytið rjómann.
Hrærið skyrið svo það verði létt og blandið rjómanum saman við.
Smyrjið skyrblöndunni yfir Prince Polo mylsnuna.
Breiðið plastfilmu yfir og frystið.
Tekið úr frysti nokkrum klukkustundum fyrir notkun.
Velgið bláberjasultuna í potti og smyrjið henni yfir frosinn eftirréttinn.
Tilvalið að skreyta með ferskum bláberjum
Geymt í kæli þar til boðið fram.
Einnig er hægt að útbúa þetta beint í litlar skálar.
Verði ykkur að góðu!
