Með hækkandi sólu og matarverði huga margir að matjurtarækt. Við rákumst á mynd af neðanjarðargróðurhúsi og urðum að deila með ykkur myndum af því og pdf bæklingi frá Benson-stofnuninni sem kennir hvernig byggja á slíkt neðanjarðargróðurhús.
þetta er kannski lausn sem hentar íslenskum aðstæðum? Í það minnsta er ekki hætta á að gróðurhúsið takist á loft í tíðum íslenskum vindhviðum.
Neðanjarðarstarfsemi í Mongólíu.
Hér er gaur frá Utah sem sýnir inn í sitt Walipini en það heita svona neðanjarðargróðurhús eða jarðhýsi og veturnir í Utah eru harðir og kaldir eins og hér. Svona virðist vera hægt að rækta allt árið. Nú er um að gera að taka moldvörpuna á þetta og grafa sig niður í ylinn og fara að rækta.