Nýjasta kvikmynd Rúnars Rúnarssonar, Þrestir, verður Íslandsfrumsýnd á kvikmyndahátíðinni RIFF þann 30. september næstkomandi. Verk Rúnars verður meðal mynda í flokknum New Visions, sem er aðalverðlaunaflokkur hátíðarinnar, en þar er einblínt á fyrsta og annað verk leikstjóra.
Rúnar Rúnarsson
Fyrsta mynd Rúnars, Eldfjall, sigraði einmitt þann flokk á hátíðinni 2011. Á dögunum var tilkynnt að mynd Rúnars yrði sýnd í flokknum Contemporary World Cinema á kvikmyndahátíðinni í Toronto í september. Þá hefur myndin verið valin til sýningar í aðalflokki kvikmyndahátíðarinnar í San Sebastian. Myndin verður svo tekin til almennra sýninga á Ísland um miðjan október.