Eitthvert ljósið á þingi var að röfla um að meðal „eldri borgara“ ríki mikill ótti við útlendinga og sérstaklega séu gamalmennin skíthrædd við að flóttamenn og sú ógn sem þeim fylgir kunni að berast til landsins. Það tekur því varla að svara svona hálfvitapælingum og hatursáróðri en samt…:
Svokallaðir „eldri borgarar“ eiga aðeins þrennt sameiginlegt:
Í fyrsta lagi þarf fólk að vera orðið 60 ára til að falla undir skilgreiningu um þá sem þjóðfélagið dregur í þennan dilk.
Í öðru lagi hefur þetta fólk verið lengur að meðaltali í Skóla lífsins og öðlast samkvæmt í því langa og stranga námi meiri lífsreynslu og þekkingu en þeir sem ekki hafa ennþá náð skilgreiningunni „eldri borgari“.
Í þriðja lagi eru „eldri borgarar“ sá þjóðfélagshópur sem mætir meiri yfirlætislegri mismunun en nokkur annar hópur að konum meðtöldum, börnum, fötluðum, nýbúum, femínistum og músílmönnum.
Gamlingja-rasismi er landlægur á Íslandi um þessar mundir.