„Hversu vel heldurðu að þú myndir sofa ef þú vissir að þú værir að fara að fá súkkulaði-pönnukökur í morgunverð? Freeeekar vel myndi ég halda,“ sagði Gunnar Kamban þjálfari þegar ég bað hann að deila með lesendum Kvennablaðsins einni af sínum margrómuðu sykurlausu súkkulaði-uppskriftum.
HRÁEFNI:
2 egg
450 g möndlumjöl
1 msk. erythritol sætuefni
1 tsk. vanilludropar
200 ml möndlumjólk
2 msk. kakó
1 tsk. kanill
1 tsk. lyftiduft
klípa salt
AÐFERÐ:
1. Hrærðu saman öll innihaldsefnin í hrærivél eða með handþeytara.
2. Settu smá smjör eða kókosolíu á pönnukökupönnu og steiktu pönnsurnar í um 40
sekúndur á hvorri hlið. Berðu fram með þessari ofureinföldu súkkulaðisósu sem inniheldur
nákvæmlega engan sykur.
EINFÖLD SÚKKULAÐISÓSA:
3 msk. kókosolía
1 msk. smjör
2 msk. kakó
2 msk. hnetu eða möndlusmjör
Sætuefni að eigin vali, farðu bara sparlega með það.
Settu öll hráefnin í skál og inn í örbylgju í 20–30 sek. Hrærðu vel saman og njóttu með pönnsunum.