Kostuð kynning:
UNA skincare™ húðvörurnar komu á markað árið 2012. Rannsóknar- og þróunarvinna vörulínunnar fór fram í náinni samvinnu við Matís, bæði í Reykjavík og á Sauðárkróki. UNA skincare húðvörurnar innihalda einstök lífvirk efni sem unnin eru úr íslenskum sjávarþörungum en vísindamenn hafa þróað einstæða aðferð til að einangra og framleiða virku efnin úr þessari vannýttu íslensku auðlind – aðferð sem tryggir hámarksvirkni og hreinleika efnanna.
Náttúruleg fegurð húðarinnar varðveitt af samspili hafs og vísinda
Una húðvörur veita þér það allra besta í náttúrulegri umönnun húðarinnar. Allar vörur okkar eru lausar við:
-litarefni
-ilmefni
-parabenefni
Vörurnar eru þróaðar og framleiddar á Íslandi á umhverfisvænan hátt með sjálfbærni að leiðarljósi. Vörurnar eru ekki prófaðar á dýrum.
Þörungar
Þörungar eru þekktir fyrir einstaka lífvirkni og hafa verið notaðir um aldir vegna heilsubætandi eiginleika. Lífvirku efnin í UNA vörunum búa yfir mikilli andoxunarvirkni en þau eru unnin úr íslenskum brúnþörungum, Fucus vesiculosus. Þörungarnir vaxa við óspilltar strendur Íslands og hafa þróast í árþúsundir í hrjúfri náttúru landsins. Þörungarnir hafa aðlagast umhverfinu með því að byggja upp fjölda verndandi efnasambanda. Rannsóknir hafa sýnt að virku efnin í Fucus vesiculosus hafa öflugri andoxunarvirkni en allir aðrir íslenskir sjávarþörungar sem hafa verið rannsakaðir.
Þörungarnir eru handtíndir á sjálfbæran og umhverfisvænan hátt
Við handtínum þörungana á sjálfbæran og umhverfisvænan hátt og aðeins þegar vöxtur er í hámarki og styrkur lífvirku efnanna er mestur. Vandað er til tínslu til að tryggja hámarksvirkni efnanna sem notuð eru og áframhaldandi vöxt þörunga á svæðinu. Sérhver uppskera er rannsökuð og lífvirknin mæld á rannsóknastofum okkar til að tryggja að allar UNA húðvörurnar skili hámarksárangri fyrir húðina þína.
Vísindi
UNA vörurnar hafa verið sérstaklega þróaðar með sérvöldum innihaldsefnum til að vernda, endurnæra og yngja húðina þína. Lífvirku innihaldsefnin eru unnin úr sjávarþörungum með háþróðaðri náttúrulegri aðferð sem tryggir hámarks virkni.
Húðvörurnar byggja á niðurstöðum umfangsmikilla rannsókna á efnum í þörungum undir stjórn Dr. Harðar G. Kristinssonar og Rósu Jónsdóttur. Þau hafa áratuga reynslu af rannsóknum og þróun virkra efna í sjávarfangi. Grunnurinn að snyrtivörunum liggur í þrotlausri vinnu þeirra í gegnum árin við skimun fyrir náttúrulegum efnum með mikla lífvirkni. Sjávarþörungurinn, Fucus vesiculosus, sem þrífst við strendur Íslands inniheldur efni með einstaka lífvirkni. Efnin sem hafa fundist búa yfir afburða lífvirkni, þar á meðal mikilli andoxunarvirkni sem veitir kröftuga vörn gegn frjálsum hvarfeindum. Hörður og Rósa vilja nú færa fólki um allan heim þessi einstöku efni í formi öflugra andlitskrema.
Öflug andoxunarvirkni úr hafinu leyst úr læðingi
Húðfrumur okkar verða fyrir stöðugri árás frá frjálsum hvarfeindum sem geta haft mjög neikvæð áhrif á húðfrumur og stuðlað að öldrun húðarinnar. Með því að draga úr eða eyða þessum hvarfeindum er hægt að hafa jákvæð og verndandi áhrif á húðina og jafnvel yngja hana. Með aldrinum dregur úr hæfni húðarinnar til að halda frá sér þessum hvarfeindum og þarfnast hún aðstoðar til að viðhalda æskuljómanum. Umfangsmiklar rannsóknir á öflugum andoxunarefnum í Fucus vesiculosus sýna fram á yfirburðarvirkni þeirra gegn þessum hvarfeindum miðað við virkni í öðrum sjávarþörungum sem voru rannsakaðir auk þess sem andoxunarefni úr þessum þörungi bera af öðrum öflugum náttúrulegum andoxunarefnum eins og C og E vítamínum og grænu tei. UNA kremin innihalda mikið magn af öflugum andoxunarefnum úr hafinu sem í samvinnu við önnur efni veita húð þinni fallegan og heilbrigðan ljóma.
Marine bioactive revitalizing day cream
Endurnærandi og áhrifaríkt dagkrem sem veitir húðinni sterka andoxandi vernd, kemur í veg fyrir og dregur úr fínum línum, og hjálpar til við að viðhalda heilbrigðu og unglegu útliti.
Kremin okkar eru í einstökum loftþéttum umbúðum með pumpu til hagræðis og til að vernda dýrmætu og virku innihaldsefnin í kremunum.
Marine bioactive regenerating night cream
Uppbyggjandi og kröftugt næturkrem sem inniheldur mikið af lífvirkum efnum sem næra húðina á nóttunni, hjálpa við uppbyggingu húðarinnar og koma í veg fyrir og draga úr fínum línum og hrukkum. Næturkremið inniheldur mikið magn andoxunarefna úr sjávarþörungum auk annarra lífvirkra efna sem magna upp áhrif kremsins.
Fucus vesiculosus:
Inniheldur mikið af lífvirkum innihaldsefnum eins og florótannín andoxunarefnum sem vinna gegn frjálsum hvarfeindum. Einnig innheldur þörungurinn mikið af lífvirkum fjölsykrum, amínósýrum, vítamínum og steinefnum. Þessi efni berjast gegn hvarfeindum og húðöldrun, draga úr bólgum og roða, auk þess að bæta teygjanleika húðarinnar og veita henni raka.
Blaðliljusaft (Aloe vera juice)
Hjálpar húðinni við að ná raka á eðlilegan hátt, nærir, græðir og mýkir húð sem er undir álagi.
Kókosolía:Margir halda því fram að kókosolía sé besta olían sem hægt er að nota á húð. Í henni er mikið af gagnlegum fitusýrum og andoxandi E-vítamíni, auk þess sem hún er rakagefandi og mýkir húðina.
Palmítóýl þrípeptíð-5: Lítið peptíð sem örvar kollagensmíði sem byggir upp húðina og veitir henni stuðning. Samkvæmt klínískum rannsóknum þá dregur efnið úr hrukkum.
Palmítóýl ólígópeptíð og palmítóýl tetrapeptíð-7: Tvö kröftug lítil peptíð sem virkja ákveðna erfðavísa sem eiga þátt í endurnýjun millifrumuefna og fjölgun húðfruma. Klínískar rannsóknir sýna að peptíðin draga úr hrukkum og bæta yfirbragð og teygjanleika húðarinnar.
Natrium Hýalúrónate: Einnig þekkt sem hýalúrónsýra, er náttúrulegt efni í húðinni sem minnkar með aldri. Hýalúrónsýra er afburða rakagjafi sem getur bundist þúsund sinnum eigin þyngd í vatni og það gerir hana að einum besta rakagjafa sem völ er á. Hýalúrónsýra getur líka stuðlað að myndun og viðhaldi kollagens sem er eitt mikilvægasta efni húðarinnar.
Nikóntínsýra (B3-vítamín): Einnig þekkt sem B3-vítamín, fyrirfinnst náttúrulega í húðinni og á stóran hlut í stjórnun mikilvægra co-ensíma í húðinni. Klínískar rannsóknar hafa sýnt fram á margvísleg jákvæð áhrif nikóntínsýru í húðinni, t.d. minnkun á fínum línum og hrukkum, mislitum húðblettum og rauðum flekkum, auk þess sem hún bætir teygjanleika húðarinnar.
Jurtaglýserín (Vegetable glycerin): Framúrskarandi rakaefni sem laðar raka að húðinni og heldur henni nærðri og rakri.
– íslensk framleiðsla
– náttúruleg vörn
– án litarefna
– án ilmefna
– án paraben efna
– ekki prófað á dýrum
