Magnús Karl Magnússon forseti læknadeildar Háskóla Íslands deildi þessari færslu á Facebook og gaf okkur leyfi til að deila hér.
„Töfrar frumunnar:
Hérna er prótein sem heitir kinesin (bleiki virðulegi burðarkallinn) að halda dauðahaldi í frymisblöðru og fikra sig eftir svokölluðum örpíplum (microtubuli). Þetta er flutningskerfi þar sem innihald frymisblöðrunnar er flutt á áfangastað. Sem dæmi eru ýmis efni flutt eftir slíkum brautum eftir endilöngum taugum til að koma efnum út í taugaenda.
Kinesín próteinið sem þarna labbar eftir örpíplunni er knúið áfram af orkuríku sameindinni ATP. Þannig er ATP stöðugt brotið niður og „fætur“ próteinsins fá þannig orku!
Svona er í gangi í ykkar frumum (og mínum líka) án þess að við veitum því minnstu athygli. Er ekki lífið dásamlegt?“
