Það er nauðsynlegur partur af jólaundirbúningnum að labba niður Laugaveginn í rólegheitunum. Ein af þeim búðum sem þú verður að kíkja inn í er Kokka á Laugavegi 74. Í Kokku finnur þú ótrúlegt úrval af fallegri og vandaðri vöru fyrir ástríðukokkinn og fjölbreytta gjafavöru í öllum verðflokkum. Þú getur fengið skemmtilega gjöf innan við þúsund krónur og reyndar í öllum verðflokkum.
Gjafavaran í Kokku eru fjölbreytt og auðvelt að finna hluti sem lífga upp á heimilið hvort sem þú ert að gefa þínu heimili fallega gjöf eða einhverjum sem þú vilt gleðja. Það er líka tilvalið að líta inn í vefverslun www.kokka.is þar sem auðvelt að gleyma sér við að skoða spennandi hluti til eldamennsku eða bara til að fegra heimilið.
Meiri ánægja í eldhúsinu
Við báðum Guðrúnu Jóhannesdóttur einn af eigendum Kokku að benda okkur á nokkra hluti sem gera eldamennskuna auðveldari og ánægjulegri.
Kokkahnífur – í fyrsta sæti er góður kokkahnífur. Það veitir mun meiri ánægju að vinna með alvöru hnífum. Hjá sumum verður skurður og söxun skemmtilegasti þáttur eldamennskunar þegar fólk er komið með alvöru hníf með góðu biti sem fer vel í hendi. Í Kokku er boðið upp á fjölbreitt úrval hnífa þar á meðal hina vönduðu þýsku Güde hnífa. Güde hnífar eru einstaklega vandaðir úr eðalstáli og með einstaklega góðu haldfangi með þægilegum þyngdarpunkti sem gerir alla skurðarvinnu bæði skemmtilegri og auðveldari. Güde hnífarnir eru framleiddir með kröfur fagmanna og ánægju ástríðukokka að leiðarljósi. Güde kokkahnífur kostar frá 16.600 kr.
Pottur og Panna – í öðru sæti er góður pottur og góð panna. Í Kokku er mjög gott úrval af pottum og pönnum úr stáli, pottjárni og kopar. Stálpönnur eru til á flestum heimilum en pottjárnspanna er sjaldgæfari en er lífstíðareign í flestum tilfellum. Á mörgum heimilum er til ‘Pannan’ sem mamma steikir allt á og hefur jafnvel gengið í erfðir. Það er ljúf tilfinning að elda á pönnu sem hefur gengið með ættinni í gegnum súrt og sætt í áratugi.
Koparpönnur og pottar hafa komið sterkt inn síðustu misseri og má segja það heitasta í dag fyrir eldhúsið. Kopar leiðir hita einstaklega vel og mun betur en stál og pottjárn. Hitastjórnun við matseldina er mjög mikilvæg og algjör nauðsyn til að ná fullkominni eldun á fjölda rétta. Koparpönnur og pottar eru einstaklega glæsileg eldhúsáhöld og koparliturinn er mikið í tísku um þessar mundir. Það er alltaf gaman að eiga og nota hluti þar sem útlit og notagildi fara saman. En þó koparpottar og pönnur séu að koma heit inn núna þá eru þetta klassísk áhöld og standast tímans tönn.
Rifjárn – Í þriðja sæti er gott rifjárn, það bætir svo miklu við matseldina að rífa spennandi hráefni út í réttinn eða yfir í lokinn til að fá punktinn yfir ‘i-ið’. Við getum farið í suðræna stemmingu með bragðlaukana þegar við rífum smá lime eða appelsínubörk út í réttinn, rifinn hvítlaukur er unaður í flest alla rétti en engifer og trufflur færa okkur í aðra heima. Rifjárn eru líka skemmtileg til að klára réttina eða drykkina. Með því að raspa yfir diskinn getur þú bæði fengið bragð og sjónræn áhrif til að fullkomna réttinn og raspaður börkur af sítrusávöxtum gera ótrúlega mikið fyrir kokkteila.
Í Kokku er boðið upp á Microplane rifjárnin í mjög fjölbreyttum útgáfum. Þessi laserskornu rifjárn bíta einstaklega vel en rifjárn er ekki það sama og rifjárn. Maður verður að prófa muninn til að átta sig á hversu þægilegt og gaman það er að vinna með gott rifjárn. Það ráða flest rifjárn við Parmesan ostinn en að rífa trefjarnar í engiferi eða góðri trufflu þá eru fá rifjárn sem gera það eins vel og Microplane rifjárnin.
Töfrasproti – Í fjórða sæti er góður töfrasproti. Notkunarmöguleikar töfrasprotans eru eins og nafnið gefið til kynna nær endalausir. Gordon Ramsay sem við þekkjum vel úr fjölmörgum matreiðsluþáttum eins og Masterchef og Hell’s Kitchen elskar Bamix töfrasprotann og segir að hann hafi verið stór þáttur í velgengni hans í matreiðslu. Hér getum við séð hvað meistarinn hefur að segja um Bemix og gefur okkur nokkur ráð í leiðinni.
Bamix töfrasprotinn er nauðsyn sem ætti að vera til öllum heimilum og fæst í Kokku ásamt fjölda aukahluta.
Duka lifestyle pictures spring 2014
Mortel – í fimmta sæti er gott mortel. Þú ferð á næsta stig með eldamennskuna þegar þú tekur ferskar kryddjurtir, hvítlauk, salt og pipar og merð saman í ómótstæðilega kryddblöndu til að nudda á kjöt, fisk eða kjúkling. Mjög gott að gera grunn að marineringu í morteli og bæta olíu út í blönduna áður en borið er á kjötið eða fiskinn. Það eru til bæði járn og granít mortel og sitt sýnist hverjum með það en lykilatriðið er að velja ekki of lítið mortel.
Hitamælir – Síðast en ekki síst er það hitamælir sem tryggir eftir allan undirbúninginn að við ekki klúðrum ekki elduninni á síðustu metrunum. Til að tryggja hárrétta eldun þá fylgjumst við með kjarnhitanum. Lærðu á hitann fyrir hverja steik og þú nærð eldun eins og á fínustu veitingahúsum. Mjög gott er að leita sér upplýsinga um hitastig á því kjöti sem á að elda á internetinu. Leyndarmálið er að stoppa eldun nokkrum gráðum áður en kjörhita er náð og taka kjötið út og hvíla það í um það bil 10 mínútur áður en það er skorið. Kjötið hitnar um nokkrar gráður eða svona 3 til 5 í hvíldinni og verður ómótstæðilegt þegar það er skorið.
Við hvetjum ykkur til að njóta jólaundirbúningsins og kíkja á Laugaveginn. Það er gaman að detta inn í búðir sem þið hafið aldrei komið inn í og skoða. Þess á milli er stemming í að kíkja inn á kaffihús eða veitingastaði og spjalla aðeins við fjölskylduna og eða vini. Njótið þess að gæla við bragðlaukana um hátíðirnar.
Kostuð kynning