Ef þig langar til að gleðja ástina þína eða fjölskylduna er upplagt að ná í piparkökuformin og finna til eitt gott hjarta og steikja eggin í forminu. Þetta er mjög einfalt en voða sætt. Best er að bera olíu á formið sjáft svo að eggið festist ekki við það. Síðan bara hitarðu olíu á pönnu eins og venjulega, leggur smurða formið á pönnuna, brýtur eggið og lætur það falla ofan í mótið. Steikið þar til hvítan er hætt að renna til og orðin þétt í sér.
Egg í holu er góður morgunverður og til tilbreytingar er hægt að skera út hjarta í brauðið með piparkökuforminu og steikja eggið í því. Best er að léttrista brauðið áður en þú skerð út hjartað.
