Fjölmiðlar heimsins eru ekki síður hissa en Íslendingar á framferði forsætisráðherrans og stöðu mála í ríkisstjórn landsins. The Guardian telur enn (6. mars e.h.) að Sigmundur hafi sagt af sér embætti – eða að minnsta kosti „stigið til hliðar“. Hann er að mati blaðsins fyrsta meiriháttar fórnarlamb lekamálsins:
Sigmundur Davíð Gunnlaugsson, has become the first major casualty of the Panama Papers, stepping aside from his office amid mounting public outrage that his family had sheltered money offshore.
The Independent er á öðru máli og virðist taka mark á fréttatilkynningum úr forsætisráðuneytinu:
On Tuesday – two days after the papers were leaked – it was initially thought the Prime Minister had resigned. But this was later contradicted by a statement from his press secretary.
The statement said Mr Gunnlaugsson had suggested that the vice-chairman of the Progressive Party should take over the office of Prime Minister for “an unspecified amount of time”.
Frakkar skemmta sér konunglega yfir óhefðbundinni nálgun Sigmundar Davíðs á stjórnmál og segja hann nú freista þess að halda völdum bak við tjöldin. Le Monde kallar síðasta útspil forsætisráðherrans „pólitískt högg undir beltisstað fremur en auðmjúka afsökunarbeiðni“ (“Cela ressemble davantage à une ultime manœuvre de basse politique qu’à un véritable acte de contrition”).
Frægð Sigmundar nær alla leið til Úganda, þar sem Daily Monitor kallar Sigmund stærsta fórnarlambið til þessa en varast fullyrðingar um hvort hann sé forsætisráðherra eða ekki. SVT í Svíþjóð og Süddeutsche Zeitung lýsa ástandinu einfaldlega sem „pólitískri ringulreið”.
El País segir að Íslendingar vilji blóð og Píratar renni á lyktina.
Fyrrum formaður Geðhjálpar leggur til að forsætisráðherra verði sviptur sjálfræði og lagður inn á stofnun.
Að sögn forsætisráðherra hyggur eiginkona hans ekki á geimferð á næstunni þrátt fyrir að breska pressan haldi öðru fram.
Reyndar hefur komið á daginn að það rétta í málinu er að það var Dorrit vildi fara með Branson út í geim!
