Fréttatilkynning:
Stuðningskonur Oddnýjar G. Harðardóttur, sem býður sig fram til formanns Samfylkingarinnar, bjóða til kvennagleði í Listasafni Einars Jónssonar í kvöld miðvikudaginn 4. maí kl. 20:00.
Sigríður Ingibjörg Ingadóttir stjórnar samkomunni, Ólína Kjerúlf Þorvarðardóttir sýnir á sér nýja hlið og Jóhanna Sigurðardóttir ávarpar samkomuna. Þarna gefst frábært tækifæri til að hitta heiðursgestinn Oddnýju, ræða við hana um hennar sýn á samfélagið og mikilvægi þess að vinna að jöfnuði og réttlæti.
Verið allar hjartanlega velkomnar. Léttar veitingar í boði og skemmtilegt kvöld framundan.