Sunnudaginn 5. júní heldur Rödd Náttúrunnar listaverkauppboð á kosningaskrifstofu Andra Snæs Magnasonar, í Borgartúni 16 105 Reykjavík. Uppboðið hefst klukkan 15:00 og stendur til 17:00. Allur ágóði af uppboðinu skiptist jafnt á milli Raddar Náttúrunnar og kosningasjóðs Andra Snæs.
Daginn fyrir uppboðið, laugardaginn 4.júní er boðið til sérstakrar forsýningar á listaverkunum. Hefst hún með tónlistaratriði kl. 18 á kosningaskrifstofu Andra Snæs, í Borgartúni 16. Léttar veitingar verða í boði og hægt verður að skoða verkin og forbjóða í þau.
Hér er einnig hægt að skoða umrædd verk.
Hægt er að senda forboð í verkin með því að senda póst á roddnatturunnar@gmail.com með upphæð og númeri verks fyrir klukkan 12 sunnudaginn 5. júní.
Rödd Náttúrunnar eru nýstofnuð náttúruverndarsamtök sem hafa það að augnamiði að veita náttúrunni rödd og réttindi, sem og að vernda hálendi Íslands. Edda Heiðrún Backman er formaður samtakanna.
Yfir 30 verk eftir okkar helstu listamenn dagsins í dag verða boðin upp. Benedikt Erlingsson verður uppboðshaldari og trúðarnir Úlfar og Barbara verða honum til stuðnings. Léttar veitingar í boði og góð stemming.
Allir eru hjartanlega velkomnir.