Fyrir þá sem vilja gera dag úr viðureign Íslendinga við Ungverja er um að gera að elda gúllassúpu sem er auðvitað þekktur ungverskur réttur.
Leikvöllurinn Stade Vélodrome í Marseille verður þétt skipaður þegar Ísland mætir Ungverjum klukkan 16.00 í dag.
Búist er við að 9.000 Íslendingar verði á vellinum, 21.000 Ungverjar og 32.000 óskilgreindir. Búast má við að íslenska stuðningsliðið láti ekki sitt eftir liggja í dag frekar en á leik Portúgala og Íslands.
En að máli málanna – Gúllassúpunni!
Mrs. Fritz sem er af ungversku bergi brotin heldur úti myndböndum á Youtube… eða hélt – því við vitum reyndar ekki hvernig hún er til heilsunnar – hún hefur ekki uppfært Youtube vefinn sinn lengi en hér er kennslustund hennar í gúllassúpugerð – þetta ætti ekki að klikka ef þú ert í gúllasstuði. Áfram Ísland!