Framboðssíða Andra Snæs Magnasonar á Facebook deilir fallegu myndbandi í dag þar sem eiginkona Andra Margrét Sjöfn Torp segir nokkur orð um samband þeirra Andra. Það er vel þess virði að deila því hér. Sjálfur segir Andri Snær um myndbandið á Facebook:
„Við Magga höfum verið saman í 25 ár einmitt í dag. Magga er hjúkrunarfræðingur á Landspítala og hefur verið minn besti vinur og samstarfsmaður. Við höfum alltaf bætt hvort annað upp. Í þessu vandasama embætti geta komið upp viðkvæmar aðstæður og þar veit ég að reynsla hennar sem hjúkrunarfræðingur mun koma að góðum notum.“