Tæplega 1200 gild vínveitingaleyfi eru á Íslandi og þar af eru rúmlega 400 á höfuðborgarsvæðinu. Þetta kemur fram í svari Þórdísar Kolbrúnar R. Gylfadóttur, ferðamálam iðnaðar- og nýsköpunarráðherra, við fyrirspurn Nichole Leigh Mosty, þingkonu Bjartrar framtíðar, um málið.
Nichole spurði hversu mörg vínveitingaleyfi væru hér á landi og hve mörg leyfi hefðu verið gefin út á árunum 2010 til 2016.
Á Vesturlandi eru í gildi 104 rekstrarleyfi sem heimila vínveitingar af einhverju tagi. Útgefin leyfi á árunum 2015–2016 eru samtals 65. Ráðuneytinu bárust ekki gögn er varða árin 2010–2014.
Á Austurlandi eru í gildi 66 rekstrarleyfi sem heimila vínveitingar af einhverju tagi. Útgefin leyfi á árunum 2010–2016 eru samtals 128.
Í Vestmannaeyjum er í gildi 21 rekstrarleyfi sem heimila vínveitingar af einhverju tagi. Útgefin leyfi á árunum 2010–2016 eru samtals 46.
Á Norðurlandi vestra eru í gildi 56 rekstrarleyfi sem heimila vínveitingar af einhverju tagi. Útgefin leyfi á árunum 2010–2016 eru samtals 111.
Á Suðurnesjum eru í gildi 57 rekstrarleyfi sem heimila vínveitingar af einhverju tagi. Útgefin leyfi á árunum 2010–2016 eru samtals 99.
Á höfuðborgarsvæðinu eru í gildi 433 rekstrarleyfi sem heimila vínveitingar af einhverju tagi. Útgefin leyfi á árunum 2012–2016 eru samtals 426. Engin gögn er varða árin 2010–2011 bárust ráðuneytinu.
Á Suðurlandi eru í gildi 185 rekstrarleyfi sem heimila vínveitingar af einhverju tagi. Útgefin leyfi á árunum 2010–2016 eru samtals 273.
Á Vestfjörðum eru í gildi 64 rekstrarleyfi sem heimila vínveitingar af einhverju tagi. Útgefin leyfi á árunum 2010–2016 eru samtals 125.
Á Norðurlandi eystra eru í gildi 168 rekstrarleyfi sem heimila vínveitingar af einhverju tagi. Engin gögn bárust vegna útgefinna leyfa á milli ára.