Netákall Amnesty:
Flóttafólk í heiminum býr nú við mikla og brýna neyð. Nauðsynlegt er að þau ríki sem eiga þess kost leiti í sameiningu alþjóðlegra lausna á þessum vanda flóttafólks. Þá er við þessar aðstæður einkar mikilvægt að stjórnvöld í þessum ríkjum axli ábyrgð sína hver fyrir sig af einurð og tryggi flóttafólki raunverulega vernd. Ísland er eitt þessara ríkja.
Smelltu hérna og skoraðu á íslensk stjórnvöld að gera meira til að hjálpa fólki á flótta með því að auka verulega móttöku kvótaflóttafólks árið 2017. Slík skuldbinding væri í samræmi við yfirlýsingar í stjórnarsáttmála ríkisstjórnarinnar um að vandað verði til reglubundinnar móttöku kvótaflóttafólks og stefnt sé að því að taka á móti fleiri kvótaflóttamönnum.
Viðbrögð stjórnvalda og almennings við vanda flóttafólks munu skilgreina hvernig heimi við og komandi kynslóðir lifum í. Því eru viðbrögð íslenskra stjórnvalda nú prófsteinn á það hvort að Ísland axlar sómasamlega þá ábyrgð sem hvílir á því að taka þátt í að leysa úr mestu mannréttindaneyð okkar tíma.