Vopnað rán var framið á tíunda tímanum í verslun Apótekarans við Bíldshöfða. Lögreglui barst tilkynning vegna málsins rétt fyrir klukkan tíu í morgun. Þetta kemur fram á Vísi.
Áfallateymi Rauða krossins var kallað út vegna málsins. Brynhildi Bolladóttur, upplýsingafulltrúa Rauða krossins, segir við Vísi að það hafi verið starfsmaður apóteksins sem hringdi í hjálparsíma Rauða krossins og óskaði eftir aðstoð áfallateymis. Viðkomandi hafi virst í nokkru áfalli.