Lögreglan á höfuðborgarsvæðinu leitar manns eftir að tilkynnt var um rán í apóteki á Bíldshöfða í Reykjavík skömmu fyrir klukkan 10 í morgun. Maðurinn, sem huldi andlit sitt með klút, var vopnaður hnífi og tókst að komast undan með eitthvað af lyfjum. Engan sakaði, en starfsfólkinu var eðlilega brugðið.
Ræninginn er talinn vera um 170 sm á hæð, grannvaxinn, klæddur í rauða peysu, gallabuxur og með húfu.
Hann var með svartan bakpoka meðferðis. Þeir sem geta veitt upplýsingar um málið, eða telja sig hafa séð til ferða mannsins eru beðnir um að hringja strax í lögreglu í síma 112.