Yfir helmingur nýgengis ungra öryrkja, það er 40 ára og yngri, árið 2017, stafaði af geðröskunum, eða 55,1%. Meðal 40 ára og eldri voru geðraskanir ástæða örorku í 19% nýrra tilfella sama ár, en tæpur þriðjungur nýrra tilfella í þeim aldurshópi stafaði af stoðkerfissjúkdómum, 31,2%.
Nýgengi örorku yfir 75%, ástæður meðal fólks undir fertugu.
Nýgengi örorku yfir 75%, ástæður meðal fólks yfir fertugu, skv. Félagsmálaráðuneytinu.
Þetta kemur fram í gögnum sem félagsmálaráðherra kynnti á fundi með „aðilum vinnumarkaðarins“ 26. janúar síðastliðinn. Fundurinn var sá fjórði í fundaröð stjórnvalda, verkalýðshreyfinga og fulltrúa auðmagnsins í landinu, sem staðið hefur frá áramótum þar til nú í ágúst. Fundargerðir voru nýverið birtar á vef Stjórnarráðsins.
Félagslegur stöðugleiki, úr glærukynningu BSRB.
Á þessum tiltekna fundi kynntu fulltrúar BSRB og ASÍ hugmyndir sínar um félagslegan stöðugleika, en samkvæmt glærukynningum sem birtust með fundargerðunum virðist BSRB einkum tefla þessu hugtaki fram, „félagslegur stöðugleiki“, sem keppikefli sinna félagsmanna í viðræðunum.
Styttri vinnuvika, hærri barnabætur, lögbundin dagvistun, lægri kostnaður sjúklinga, átök við kynbundna og kynferðislega áreitni, breyttur húsnæðismarkaður, hærri lágmarkslaun, mannsæmandi lífeyrir, breytt örorkumat, aukin tækifæri til framhaldsmenntunar og trú á að sanngirni gæti í samfélaginu, eru þannig dæmi um þau mál sem fulltrúar BSRB segja að þjóni þessu markmiði, auknum félagslegum stöðugleika.
Forsíða glærukynningar ASÍ.