Það er margt skrýtið í henni veröld. Í þessari stuttu heimildamynd frá fréttaveitunni Vice er fjallað um framleiðslu á dúkkum sem líkjast hvítvoðungum. Kannski ekki svo óeðlilegt þar sem dúkkuleikföng líkjast æ meir lifandi börnum.
Það sem kemur á óvart er að markhópur framleiðanda þessara þykjustubarna eru ekki börn heldur fullorðnar konur og pör sem kjósa að eiga og annast dúkkurnar sem eru kallaðar „Reborn Babies“ eins og um raunveruleg börn væri að ræða.
Verðmiðinn er 200-800 dollarar. Þó er hægt að fá dúkkurnar enn dýrari ef um sérhönnun er að ræða en margir kjósa að láta dúkkuna líkjast sérstökum einstaklingi. Í myndinni kynnumst við starfi dúkkugerðarfólksins sem er önnum kafið við að uppfylla óskir ört stækkandi kúnnahóps.
Lengst af í myndinni er talað við þýskt par sem á nokkrar „Reborn babies“ dúkkur og við fáum að skyggnast inn í sálarlíf þeirra og dúkkubarnanna þeirra.