Vín vikunnar eru tvö að þessu sinni. Þau eru bæði frá Bordeaux sem er eitt virtasta vínsvæði heims. Annars vegar er það Dourthe N°1 Rouge 2011 og hins vegar Dourthe N°1 2013.
Dourthe N°1 var fyrst búið til árið 1988 og hefur síðan þá verið stolt og sómi Dourth vínhússins. Við gerð Dourthe N°1 eru einungis notaðar þrúgur af besta vínviðnum sem völ er á. Þess er ávallt gætt að þær séu óaðfinnanlegar og standist ströngustu kröfur. Nýjasta tækni er svo notuð til að brugga vínið. Allir þessir þættir skila sér í stórkostlegum gæðum sem vínunnendur halda vart vatni yfir. Dourthe N°1 hvítvínið er svo geysivinsælt að það hefur um nokkurt skeið verið mest selda hvíta bordeaux vínið í Frakklandi. Dourthe N°1 Rouge gefur því ekkert eftir í vinsældum, en það hlaut hjartabikarinn árið 2012 í vínkaupaleiðarvísinum Guide Hachette de Vins, sem kemur út árlega í Frakklandi og er mest selda bók sinnar tegundar.
Dourthe N°1 2013
Dourthe N°1 2013 nær enn eitt árið að fanga hinn einstaka karakter Sauvignon Blanc frá Bordeaux með flóknum dásamlegum ilmi af ferskum tómatlaufum, þéttum sítrustónum og ljúfum suðrænum ávöxtum. Karakter vínsins lifnar enn meira við í munninum og heldur þar áfram, studdur af mikilli fyllingu, glæsileika og fullkomnu jafnvægi milli sýru og áfengis. Spriklandi ferskleikinn tryggir langt og gott eftirbragð.
Þrúgur:
100% Sauvignon Blanc
Víngerð og geymsla:
Gerrjað við lágt hitastig, geymt og látið þroskast á hratinu í 6 mánuði á stórum stáltönkum.
Matur:
Dourthe N°1 2013 passar vel með öllu sjávarfangi, sérstaklega skelfiski eins og humri, rækjum, kræklingi og ostrum. Það er einnig frábært með fiskiforréttum eins og gröfnum eða reyktum laxi, fiskiterrine eða ceviche. Einnig hentar það fullkomlega með grilluðum fiski, austurlenskum réttum og ostum (sérstaklega geitaosti).
Dourthe N°1 Rouge 2011
Dourthe N°1 Rouge 2011 hefur djúpan granatrauðan lit og áberandi ilm af rauðum ávöxtum. Einnig má finna keim af kryddum og fínlegum ristuðum tónum sem ljá því mikla töfra. Töfrarnir rata svo áfram í munninn þegar bragðið fyllir vitin. Vínið er höfugt, ilmríkt og kryddað með þéttan strúktúr, vel sýnileg rúnnuð tannín og ferskleika sem færa víninu sína óviðjafnanlegu dýpt. Mikill ávöxtur blandast fallega við ljúfa eikartóna sem leiða mann að löngu og þægilegu eftirbragði.
Þrúgur:
Merlot, Cabernet Sauvignon, Petit Verdot
Víngerð og geymsla:
Aðeisn besta blandan fer í Dourthe N°1 og verður hún að geymast á nýjum frönskum eikartunnum í 12 mánuði áður en vínið er sett á flöskur.
Vín og matur:
Dourthe N°1 Rouge hentar vel með bæði hvítu og rauðu kjöti eins og nautasteik, entrecote, bufftartar lambalæri, bóg, önd eða villibráð. Einnig hentar það vel með flestum grænmetisréttum og ostum.
