Samtök grænmetisæta á Íslandi opnuðu nýja og langþráða vefsíðu samtakanna í gær, síðasta dag vel heppnaðs Veganúar!
Á www.graenmetisaetur.is má meðal annars finna ýmiss konar fróðleik fyrir nýgræðinga og lengra komna í grænmetishyggjunni ásamt ýmiss konar ráðleggingum fyrir veitingastaði og framleiðendur sem vilja þjóna grænmetisætum með betri og skilvirkari hætti.
Markmiðið er að þessi vettvangur muni vaxa og dafna á næstu misserum og að á vefsíðunni verði virk og fjölbreytt umfjöllun um allar hliðar grænmetishyggjunnar. Aðstaðdendur vefsíðunnar hvetja því allar grænmetisætur til að senda inn áhugavert efni og ábendingar.