Kántrýbær á Skagaströnd er til sölu á 33 milljónir. Kántrýbær var byggður af Hallbirni Hjartasyni eftir að gamli bærinn brann um árið og fór af stað heilmikil söfnun til styrktar nýju byggingunni sem sést hér á myndinni. Hallbjörn Hjartason var dæmdur í fangelsi í febrúar 2015 fyrir að misnota barnabörn sín og voru brotin framin þegar þeir voru börn að aldri. Í dómnum kemur skýrt fram að þegar upp komst reyndi Hallbjörn ítrekað að klína glæpnum á börnin eins og níðinga er siður.
Einhverjir heimamenn hafa haft orð á því að brenna ætti húsið til grunna í stað þess að halda í þennan minnisvarða um það ofbeldi sem eigandi þess framdi og reyna að hagnast á sölunni. Brunabótamat hússins er 55 milljónum hærra en kaupverðið sem gefur til kynna að áhugi á kaupum er lítill sem enginn og kannski ekki að ástæðulausu. Hver vill kaupa hús barnaníðings og reka það sem ‘skemmtistað’ eða öllu heldur hver getur notið lífsins á slíkum stað.
Skólamatinn fá börnin á Skagaströnd úr eldhúsi Kántrýbæjar yfir vetrartímann. Hallbjörn Hjartason býr enn á Skagaströnd og hefur ekki hafið afplánun.
Auk fangelsisvistar var Hallbjörn dæmdur til að greiða hvorum þolanda um sig 1.500.000 krónur, sem var hækkun á dómi Héraðsdóms Norðurlands um 250 þúsund krónur. Dóminn er að finna hér.