Frakkar hafa lýst yfir neyðarástandi og hert landamæraeftirlit eftir að í það minnsta 128 manns létust eftir skot- og sprengjuárásir í París í gær. Samkvæmt fréttum BBC voru yfir 80 manns myrtir eftir að vopnaðir menn brutust inn í Bataclan tónleikastaðinn þar sem þeir héldu gíslum föngnum þar til franska sérsveitarlögreglan gat komist inn. Fólk var skotið til bana á veitingahúsum og börum á fimm öðrum stöðum í París í gær. Talið er að í það minnsta 180 manns séu alvarlega slasaðir.
Blaðamaður franska dagblaðsins Le Monde tók upp eftirfarandi myndband eftir að skothríðin hófst við Bataclan í París í gær. Við vörum við þessu myndbandi.
Attentats à Paris : Attention, Images insoutenables. Un journaliste du Monde filme la fuite des spectateurs pendant la fusillade du Bataclan…
Posted by videoty on Friday, 13 November 2015
Teikningin hér að ofan sem sýnir Effelturninn sem friðarmerkið hefur farið eins og stormsveipur um samfélagsmiðla heimsins undir myllumerkinu #PrayforParis og #jesuisparis og hefur ranglega verið eignað listamanninum Banksy. Tímaritið Time staðfestir að teikningin er eftir @jean_jullien sem staðfesti við TIME að teikningin væri eftir hann og teiknuð vegna voðAverkanna í París.
Fjölmargar byggingar víða um heim voru lýstar upp í frönsku fánalitunum til að sýna Frökkum samstöðu á þessum hörmulegu tímum.
The world comes together to show its support for Paris #ViveLaFrance #JeSuisParis @OutlanderFrance pic.twitter.com/erbt2E7r5Y
— Inverness Outlanders (@InverOutlanders) November 14, 2015
