Ellen Calmon formaður Öryrkjabandalagsins fyrir hönd ÖBÍ og heilbrigðishóps Öryrkjabandalagsins styður kröfuna um endurreisn heilbrigðiskerfisins á Endurreisn.is. Ellen segir:
„Mikilvægt er að styrkja grunnstoðir íslensks samfélags, á ég þá við félagslega kerfið, menntakerfið og heilbrigðiskerfið.
Heilbrigðiskerfið á að geta þjónað öllum landsmönnum óháð stöðu og efnahag. Heilbrigðismál á Íslandi eru í verulegu fjársvelti. Fólk fær ekki, sjaldan eða jafnvel of seint þá meðferð sem það þarfnast og biðlistar hafa lengst. Skiptir þá ekki sköpum hvort um er að ræða þjónustu við börn eða fullorðna.
Það hefur valdið miklum vonbrigðum hversu erfitt hefur reynst að fá áheyrn um alvarlega stöðu í heilbrigðismálum á Íslandi og hreyfa við þeim sem stýra landinu. Ein leið til að ná athygli stjórnmálamanna virðist vera að standa fyrir undirskriftarsöfnunum.
Öryrkjabandalag Íslands og heilbrigðishópur Öryrkjabandalagsins lýsir yfir stuðningi sínum við undirskriftarsöfnunina endurreisum heilbrigðiskerfið.
Ég vil því hvetja landsmenn alla til að leggja hönd á plóg og taka þátt í undirskriftarsöfnuninni.
Endurreisum heilbrigðiskerfið.“
Ellen Calmon formaður öryrkjabandalagsinsEllen Calmon formaður Öryrkjabandalagsins lýsir yfir stuðningi við www.Endurreisn.is
Posted by Endurreisum heilbrigðiskerfið on Saturday, 13 February 2016