Erlingur Gíslason leikari látinn

Erlingur Gíslason leikari lést þann 8. mars síðastliðinn á heimili sínu í Reykjavík. Í dánartilkynningu er birt var í Morgunblaðinu segir:

„Erl­ing­ur Gísla­son leik­ari lést á heim­ili sínu hinn 8. mars á 83. ald­ursári. Erl­ing­ur fædd­ist í Reykja­vík 13. mars 1933, son­ur hjón­anna Gísla Ólafs­son­ar bak­ara­meist­ara og Krist­ín­ar Ein­ars­dótt­ur hús­móður. Systkini Erl­ings eru Anna, f. 30.12. 1924, hús­mæðra­kenn­ari í Reykja­vík, og Ein­ar Ólaf­ur, f. 6.4. 1929, flug­stjóri í Reykja­vík, en hann lést 6.2. 2011.

Erl­ing­ur lauk stúd­ents­prófi frá MR 1953, stundaði nám í ís­lensku við HÍ 1953-54, lauk prófi í for­spjalls­vís­ind­um frá HÍ 1954, prófi frá Leik­list­ar­skóla Þjóðleik­húss­ins 1956, stundaði nám við Tón­list­ar­skól­ann í Reykja­vík 1953-54, nam leik­hús­fræði við Há­skól­ann í Vín­ar­borg og leik­list við Leik­list­ar­skóla Helmuts Kraus í Vín 1956-57, sótti leik­list­ar­nám­skeið í London og Berlín 1965-66 og nám­skeið í gerð kvik­mynda­hand­rita hjá Dramatiska Institu­tet í Svíþjóð.

Erl­ing­ur var leik­ari og leik­stjóri hjá Þjóðleik­hús­inu, leik­hópn­um Grímu og Leik­fé­lagi Reykja­vík­ur og fór með fjölda hlut­verka í út­varpi, sjón­varpi og í kvik­mynd­um. Erl­ing­ur var einn af stofn­end­um Leik­klúbbs­ins Grímu 1961, var formaður Leik­ara­fé­lags Þjóðleik­húss­ins 1967-69 og Fé­lags ís­lenskra leik­stjóra 1975-77 og 1979-81.

Hann var full­trúi Alþýðubanda­lags­ins í Reykja­vík á lands­fund­um Alþýðubanda­lags­ins frá 1987 og sat í fram­kvæmd­ar­stjórn Leik­list­ar­ráðs fyr­ir Fé­lag leik­stjóra á Íslandi 1990-91.

Erl­ing­ur samdi, ásamt seinni eig­in­konu sinni, Brynju Bene­dikts­dótt­ur leik­stjóra, leik­ritið Flensað í Mala­koff og leik­ritið Flug­leik ásamt fleir­um. Erl­ing­ur skrifaði hand­rit að stutt­mynd­inni Sím­on Pét­ur fullu nafni 1988, en fyr­ir hand­ritið hlaut Erl­ing­ur verðlaun Lista­hátíðar í Reykja­vík 1988.

Árið 2008 sæmdi for­seti Íslands Erl­ing ridd­ara­krossi hinn­ar ís­lensku fálka­orðu fyr­ir fram­lag til ís­lenskr­ar leik­list­ar.

Fyrri eig­in­kona Erl­ings var Katrín Guðjóns­dótt­ir, f. 27.3. 1935, ball­ett- og gít­ar­kenn­ari. Þau skildu 1961, en hún lést 2.3. 1996. Syn­ir þeirra eru Guðjón, f. 15.12. 1955, verk­fræðing­ur og Friðrik, f. 4.3. 1962, rit­höf­und­ur og skáld.

Seinni eig­in­kona Erl­ings var Brynja Bene­dikts­dótt­ir, leik­stjóri, leik­skáld og leik­ari, f. 20.2. 1938. Hún lést 21.6. 2008. Son­ur þeirra er Bene­dikt, f. 31.5. 1969, leik­ari, leik­stjóri og kvik­mynda­höf­und­ur.

Jarðarför­in verður aug­lýst síðar.“

Fjölmargir samstarfsmenn hafa minnst Erlings á samfélagsmiðlum og við skulum gefa þeim orðið: