Í fréttaþættinum Agenda í sænska ríkissjónvarpinu SVT var fjallað um málið, og hófst sú umfjöllun á þessum orðum:
„Í kvöld afhjúpar SVT í samvinnu við alþjóðlegt net blaðamanna að stjórnmálamenn í æðstu stöðum, einræðisherrar, fótboltastjörnur og fíkniefnamafían geyma óheyrilegar upphæðir í skattaskjólum. Meðal nafnanna í gögnunum sem lekið var frá lögfræðistofunni í Panama er forsætisráðherra Íslands, Sigmundur Davíð Gunnlaugsson, og nú þegar heyrast kröfur um að hann segi af sér.“
Síðan er sagt frá þvi að áður en Sigmundi sé komið í opna skjöldu með spurningum um eignarhald hans á fyrirtæki í skattaskjóli tali hann um hversu mikilvægt sé að endurskapa traustið eftir fjármálakreppuna á Íslandi, og sýndur sá hluti viðtalsins þar sem hann segir að í þeim tilgangi „viljum við sýna að við veltum við hverjum steini“.
Þáttinn er hægt að sjá í heild sinni hér.
