„Heimilisfang fjölmiðlafyrirtækja er ekki bundið við útgáfuland,“ skrifar Kristín Þorsteinsdóttir, aðalritstjóri 365, í leiðara Fréttablaðsins í dag. Kristín segir yfirvöld vinna linnulaust að því að RÚV og Netflix verði einu ljósvakamiðlar landsins.
„365 kannar nú möguleikana á því að flytja útgáfu prentmiðla til Bretlands, meðal annars til að auka svigrúmið á auglýsingamarkaði.“
Kristín segir fjölmiðlalögin tímaskekkju og kvartar yfir ríkisstyrk til RÚV.
„Netflix á Íslandi fær á fjórða hundrað milljóna á ári í áskriftargjöld skattfrjálst. Fyrirtækið kemst hjá því að greiða skatta og skyldur. Netflix þarf ekki að íslenska sitt efni. Á sama tíma eru rándýrar þýðingarskyldur settar á herðar sjálfstæðum fjölmiðlafyrirtækjum. Og Netflix kemst upp með að sýna bannaðar myndir frá morgni til kvölds ef því er að skipta.“
Leiðara Kristínar má lesa hér.
Aðalmynd: Jon S / CC BY 2.0