Á fimmtudaginn kemur þann 10. apríl verður frumsýnt i Tjarnarbíói leikritið, Útundan, eftir Alison Farina McGlynn í uppsetningu Háaloftsins.
Leikritið fjallar um veruleika sem hrjáir eitt af hverjum sex pörum á Íslandi en það er sá veruleiki að auðnast ekki að eignast barn. Barnleysi getur valdið gífurlegu álagi á líf fólks og haft afdrifaríkar afleiðingar á sambönd þess og líðan. En jafnvel í slíkum aðstæðum hættir tilveran ekkert að vera fáránleg, grátbrosleg og jafnvel fyndin.
Í leikritinu Útundan er skyggnst er inn í líf þriggja para á fertugsaldri sem þrá að eignast barn. Pörin leita ýmissa leiða til að láta drauminn rætast og standa frammi fyrir margskonar erfiðum spurningum.
Áhrifamikið og nærgöngult leikrit um sársaukann, örvæntinguna og vonina þegar það eðlilegasta og náttúrlegasta af öllu í lífinu er orðið fjarlægur draumur, takmark sem kannski aldrei mun nást.
Athugið að það er takmarkaður sýningafjöldi en sýnt er eins og áður sagði í Tjarnarbíói:
10. apríl, kl. 20:00 – Frumsýning
13. apríl, kl. 20:00
15. apríl, kl. 20:00
26. apríl, kl. 20:00 – Lokasýning
Leikritið vakti sterk viðbrögð og hlaut mjög góða dóma þegar það var frumsýnt í Bretlandi.
**** „Beautifully crafted provocative new writing. This is a highly valuable piece of work as it braves to talk about something so common, yet never fully challenged on stage“.
**** „A moving play which fully engages the audience. It never becomes mawkish and it also contains a lot of humour“.
Leikarar: Arnmundur Ernst Backman, Benedikt Karl Gröndal, Björn Stefánsson, Elma Lísa Gunnarsdóttir, Magnús Guðmundsson, María Heba Þorkelsdóttir, Svandís Dóra Einarsdóttir
Leikstjórn: Tinna Hrafnsdóttir
Leikmynd: Jóní Jónsdóttir
Búningar: Ólöf Benedikstdóttir
Tónlist: Sveinn Geirsson
Ljós: Arnar Ingvarsson
Leikgervi: Kristín Júlla Kristjánsdóttir
