Glöggir gestir sem heimsóttu Strandakirkju um helgina sendu okkur þessar ljósmyndir úr Strandakirkju. Ljósmyndir af bæklingum á ýmsum tungumálum sem ætlaðir eru innlendum og erlendum ferðamönnum sem kirkjuna heimsækja.
Meðfylgjandi orðsending fylgdi myndunum:
Hefur Strandakirkja efni á nýjum bæklingi?
Kvennablaðið tekur undir það að Strandakirkja mætti að ósekju endurnýja þennan bækling og fá nýjan biskup til að rita formála. Um meint kynferðisbrot Ólafs Skúlasonar gagnvart fjölmörgum konum má lesa á Wikipediu en þar segir meðal annars um Ólaf:
„Á embættistíma hans kom upp röð hneykslismála sem tengdust prestum, auk ásakana á hendur Ólafi sjálfum um kynferðisbrot í fyrra starfi sem sóknarprestur Bústaðarkirkju. Árið 2010 fór dóttir hans Guðrún Ebba Ólafsdóttir á fund Kirkjuráðs og sagði Ólaf hafa misnotað sig kynferðislega í mörg ár. Árið 2011 kom út samtalsbók við Guðrúnu Ebbu sem Elín Hirst skráði og nefnist hún Ekki líta undan. Þar segir Guðrún Ebba frá lífi sínu í skugga kynferðisofbeldis og afneitunar og baráttu við lífsvanda sem þar af hlýst.“