Fyrsta tilraunakeyrsla á röralestinni Hyperloop One hefur farið fram en þetta er draumaverkefni sem Elon Musk kynnti fyrst fyrir fjórum árum. Þetta er tilraun með að senda léttar háhraðalestir sem „fljóta“ á rafsegulsteinum í gegnum lofttæmd rör á ofurhraða eða allt að 1200 km á klukkustund. Tilkynnt var í gær að fyrsta tilraunakeyrslan hefði verið gerð í Nevada eyðimörkinni og lestinni ekið spöl en aðeins á 120 km hraða. Elon Musk auðgaðist á PayPal en hefur síðan varið háum fjárhæðum í hugðarefni sín sem m.a. snúa að umhverfisvænni framtíðartækni.
Hugmyndin með lestinni er að geta leyst flugsamgöngur af hólmi, að miklu leyti og komið farðegum hraðar milli staða. Farðegaflugvélar fljúga yfirleitt á um 900 km hraða þannig að Hyperloop lestin á að geta farði töluvert yfir það eða í allt að 1200 km hraða.
Tæknilega gæti slík pípulest komið fólki á 10-15 mínútum frá Reykjavík til Akureyrar og frá borginni til Egilsstaða á 15-20 mínútum.
Þó að aðstandendur lestarverkefnisins hafi átt sitt fyrsta „Kitty-Hawk“ stund (með vísan í fyrsta flug Wright bræðra), er langur vegur í að þessi ferðamátti, í lokaðri pípuest fljótandi í loftæmi á ofurhraða, verði að veruleika.
Fjallað er um tilraunakeyrsluna á fréttasíðunni Verge með ljósmyndum og myndskeiðum.