Fimm bestu veitingahúsin í Reykjavík

Vefsíðan Tripadvisor er frábær fyrir ferðamenn sem eru að skipuleggja ferðir á nýja staði.  Á Tripadvisor er hægt að nálgast umsagnir ferðalanga sem nýta sér þjónustu hótela og veitingahúsa víðsvegar um heiminn. Þú getur gengið að því vísu að finna marktækar og gagnlegar upplýsingar og þetta getur auðveldað þér val á hótelum, veitingastöðum og markverðum stöðum sem gaman er að heimsækja og skoða.

Íslensk hótel og veitingahús eru þarna vegin og metin og við skoðuðum hvaða fimm veitingahús í Reykjavík þykja bera af að mati ferðamanna.

Fyrst ber að telja Friðrik V sem er í 1. sæti af þeim 287 veitingahúsum í Reyjavík sem fá umsagnir á Tripadvisor.

Ferðamenn spara ekki hrósið handa veitingastaðnum Friðrik V.

Fast á hæla Friðrik V. er veitingahúsið Grillmarkaðurinn sem er í 2. sæti yfir bestu veitingahús höfuðborgarinnar.

Gestir lofa Grillmarkaðinn í hástert og einn gesturinn vill sæma staðinn Michelin stjörnu.

Í 3. sæti er veitingahúsið Fiskfélagið við Grófartorg.

Gestir eiga ekki til orð til að lýsa hrifningu sinni og sumum finnst þeir hafa fengið besta matinn á Íslandi Hjá Fiskfélaginu.

Sjávargrillið á Skólavörðustíg er í 4. sæti á lista Tripadvisor.

Staðsetningin Sjávargrillsins þykir frábær að mati ferðamanna og þjónustu og matreiðslu er hælt á hvert reipi.

Fiskmarkaðurinn er í 5. sæti af þeim 287 veitingastöðum Reykjavíkur sem nefndir eru á Tripadvisor.

Við megum sannarlega vera stolt af öllum þessum glæsilegu veitingahúsum í hjarta borgarinnar og einn gestur Fiskmarkaðarins er svo hrifinn að hann segir að máltíðin á Fiskmarkaðinum sé ein sú besta sem hann hefur gætt sér á um dagana.