„ … hvernig í ósköpunum átti ég að hafa hag, af nokkru sem tengist þessum einstaklingi ?“
(Hanna Birna; Á Sprengisandi)
Svar; Innanríkisráðherra ber einfaldlega skylda til þess að sjá til þess eftir megni að ekki sé brotið á skjólstæðingum stofnanna sem undir hana heyra. Nú verður alvarlegur misbrestur þar á en hún lýsir engri löngun til þess að leiðrétta mál Tony Omos, heldur þusar um sína persónulegu pólitísku velferð. Fyrir henni, snýst málið um hana, Hönnu Birnu Kristjánsdóttur.
„Veistu það líður varla sá mánuður eða vika í ráðuneytinu að ég taki ekki við mótmælaskjölum út af innflytjendum. Það bara líður varla sú vika. Og fyrir mér er það bara ekkert mál. „
Svar; Jú mál!
Fyrst að ráðherra er að taka við bænaskjölum í hverri viku vegna innflytjenda, þá ætti hún að hafa stórar áhyggjur af því hvernig er komið fram við innflytjendur hér á landi, en þær áhyggjur er ekki að heyra á máli hennar.
„Áttum okkur á því að þessi einstaklingur sem um ræðir, það var búið að dæma hann úr landinu í tvígang, hann var eftirlýstur af lögreglu á þessum tímapunkti“
Svar; Hvað Tony Omos og eiginkonu hans varðar þá er framkoma Útlendingastofnunnar hrein svívirða. Maðurinn er hafður undir tilgangslausu eftirliti sem í raun er ekkert annað en racial profiling, Þettta háttalag yfirvalda endaði með því að hann var sendur úr landi með vísan til þessa eftirlits sem síðar kom í ljós að engin ástæða var fyrir til að byrja með. Enginn grunur lá fyrir um aðild Tony Omos að mannsali og hann er sendur úr landi þrátt fyrir að kona hans gangi með ófætt barn hans hérlendis.
Enn og aftur ver Innanríkisráðherra, Hanna Birna Kristjánsdóttir, þá ákvörðun að vísa Tony Omos úr landi á þessari forsendu eftirlits sem er nefnt hér að ofan. Þetta eru rangindi og hreinn þvættingur sem ráðherra heldur áfram að beita Tony Omos og hans fjölskyldu.
Stefna stjórnvalda í málum innflytjenda er augljós, hún er að leita áfram allra leiða til þess loka landinu. Meðalið er að skilgreina sem mest af innflytjendum sem óæskilega. Við skulum muna að einungis eru nokkrir dagar síðan Íslenskur maður og barnshafandi kona hans frá Bandaríkjunum, hrökluðust úr landi til Noregs. Ástæðan, ómannúðleg vinnubrögð Útlendingastofnunnar.
Palestínskum hælisleitanda, Ramez Rassas, hefur ekki verið sent boð um að hann megi snúa til baka til Íslands en hann var sendur úr landi á grunvelli Dyflinarreglugerðarinnar. Ástæðan samkvæmt svörum Útlendingastofnunnar er að;
„Stríðsástand hafi nú ríkt á Gasa frá í byrjun júlí 2014 en engin lagaleg úrræði séu til staðar sem gera Útlendingastofnun kleift að veita einstaklingum eða hópum hæli, sem staddir eru erlendis.“
Ekki virðist mikill áhugi vera til staðar, hvorki hjá stofnuninni, né hjá ráðherra innanríkismála, Hönnu Birnu Kristjánsdóttur. Því í mínu nánasta umhverfi og alls staðar þar sem ég þekki til, þar er málunum reddað. Ef ráðherra er leyft að viðhafa þessa stjórnunarhætti, þá skulum við ekki kvarta ef einn daginn við áttum okkur á því að við búum í raun í Austur Þýskalandi, ekki á Íslandi.