Nafn frambjóðanda: Ástrún Lilja Sveinbjarnardóttir

Flokkur: Flokkur fólksins

Kjördæmi: Norðaustur

Sæti á lista: 2. sæti

Skilaboð: Ég vil vera hávær rödd fyrir þá sem minna mega sín.

Sjá einnig: Konur til áhrifa: Svör kvenframbjóðenda við spurningalista Kvennablaðsins vegna Alþingiskosninganna 2016

Ég vil ræða málefni geðfatlaðra og það hræðilega úrræðaleysi sem þar á sér stað, þunglyndi sem hrjáir ungt fólk sem verður til þess að það sér enga von og tekur sitt eigið líf. Er það rétt forgangsröð í nútíma þjóðfélagi að láta geðfatlaða ráfa um göturnar eins og villihunda og sofa jafnvel undir trjám? Nei og aftur nei, skömm og aftur skömm. Hvað með unga fólkið í barna- og framhaldsskólum sem þjást af fælni, kvíða og þunglyndi? Er ekki til peningur í kerfinu fyrir sálfræðiaðstoð fyrir þetta unga fólk, er þetta sem viljum hafa sem framtíðarsýn?

Ég veit hvað ég er að tala um, ég hef verið í þessum þunglyndis heimi, ekki samt þeim allra svartasta. Ég veit hvað hann er svartur. Ég þurfti að loka mig heima vegna þess að ég gat ekki verið innan um fólk í mörg ár en sem betur fer þekki ég ekki að vera veik og heimilislaus.

Ég vil ræða líf ungs fólks sem leiðist út í fíkniefni, búa til meiri úrræði til að hjálpa því fólki. Ég vil líka tala um fanga og þá vitleysu að setja unga fíkniefnaneytendur í fangelsi með jafnvel harðsvíruðum dæmdum fullorðnum mönnum. Þetta unga fólk eru ekki glæpamenn, þau eru veik. Ég gæti líka talað lengi um dýr og dýravernd.

Hvers vegna velur þú stjórnmál að starfi?

Ég geri það til þess að geta unnið fyrir fólk sem minna má sín í samfélaginu og geta ekki tjáð sig og borið hendur yfir höfuð sér, samanber aldraða, öryrkja, börn, utangarðsfólk, ungt fólk í neyslu og alla sem eru minni máttar í samfélaginu.

Hverjar eru þínar pólitísku áherslur?

Það kemur eiginlega fram í fyrra svari. Ég vil berjast gegn fátækt, óréttlæti, spillingu, græðgi ásamt mörgu öðru, ég er með MJÖG sterka réttlætiskennd.

Hvers vegna finnur þú þeim farveg í þínum flokki fremur en öðrum?

Þegar ég fór að lesa skilaboðin hennar Ingu Sæland á Facebook og svo að tala við hana í síma, þá var það engin spurning. Inga sagði allt það sem bjó í mínu hjarta. Ég gekk í flokkinn þegar hann var stofnaður og ég er stoltur félagi númer 40.

Hvaða stjórnmálamenn og konur, innlendar sem erlendar, metur þú mest?

Ég ætla ekki að fara að telja upp öll þau nöfn á því fólki. Ég dáist og virði allt það fólk sem hefur unnið fyrir og gert góða hluti fyrir aðra, sama hvar það fólk er í pólitík. Um leið hef ég skömm á þeim sem gera hið gagnstæða.

Hver er staða stjórnmálasiðferðis á Íslandi?

Ekki nógu góð. Sem sést best á því að stjórnmálamenn þurfa aldrei að taka ábyrgð á sínum misgjörðum og segja af sér.

Hver er afstaða þín til stöðu Bjarna Benediktssonar og Ólafar Nordal eftir að afhjúpað var að þeirra nöfn væri að finna í Panamaskjölunum?

Ef fólk getur ekki verið heiðarlegt og komið hreint fram á það ekki að vera að bjóða sig fram til að þjóna fólkinu í landinu. Afstaða mín er sú að auðvitað áttu þau að segja af sér en því miður er siðferði í íslenskum stjórnmálum ekki nógu gott, eins og hefur sýnt sig í gegnum tíðina.

Hvers vegna heldur þú að almenningur um víða veröld hafi brugðist við eins og raun ber vitni eftir uppljóstranir Panamaskjalanna?

Vegna þess að almenningur vill heyra sannleikann og hefur skömm af spillingu, græðgi og lygi.

Hver er afstaða þín til skattaskjóla, það er lágskattasvæða og alþjóðlegrar skattasamkeppni?

Skattaskjól og lágskattasvæði eiga ekki að vera til þar sem það er fyrir auðvaldið. Í raun ætti að skikka auðvaldið til láta einhverjar prósentur af auði sínum til fátækra, sjúkra og til þeirra sem minna mega sín. Af nógu er að taka í stríðsþjáðum heimi.

Hvað er kvíðvænlegast við þá tilhugsun að takast á við þingstörf?

Ekkert.

Ertu sammála rökum þeirra sem telja kynjakvóta nauðsynlegan til að viðhalda jöfnum kynjahlutföllum á þingi?

Að skilgreina fólk út af kynferði á ekki að eiga sér stað. Ef það þarf að skilgreina fólk á að gera það eftir verkum þeirra og getu til þeirra verka sem þau hafa verið valin til. Við konur eigum ekkert að vera í forgangi, við eigum öll að vera jöfn og sitja við sama borð með sömu laun fyrir sömu vinnu.

Hvaða hagsmuna hefur þú að gæta gagnvart þrýstihópum, fyrirtækjum og/eða vegna vensla?

Engra.

Með hvaða flokkum vilt þú helst mynda ríkisstjórn eftir kosningar og hvers vegna?

Það fer eftir því hvaða flokkar eru tilbúnir að virða okkar baráttu og skoðanir.

Eru flokkar sem þú vilt helst ekki vinna með?

Nei.

Hvaða hópar í samfélaginu þurfa mest á stuðningi og athygli stjórnmálamanna að halda?

Það eru þeir hópar sem ég hef talið upp hér áður: Aldraðir, öryrkjar, fátækir, börn, ungt fólk og fólk með geðraskanir og allir þeir sem eiga undir högg að sækja.

Telur þú eðlilegt að nýta skattkerfið sem jöfnunartæki eða á skattastefna landsins eingöngu að miða að fjármögnun hins opinbera?

Skattkerfið á að gagnast í báðum tilvikum.

Afstaða til mannréttinda og hlutverk stjórnmálanna: Hvert skal vera hlutverk yfirvalda og stjórnmálanna þegar kemur að svokölluðum neikvæðum og jákvæðum réttindum?

Það eiga allir að hafa sama rétt á að fá að lifa mannsæmandi lífi hvar sem er í heiminum. Því miður er svo ekki og þar kemur einmitt við sögu græðgi, peningar og spilling. Hlutverk stjórnmálamanna á einmitt að vera að berjast gegn allri mismunun.

Hver er afstaða þín til persónukjörs og hvers vegna?

Ég er mjög hlynnt persónukjöri vegna þess að það er fullt af flottu fólki í öllum flokkum, þó að mér líki ekki stefna allra flokkana er samt fólk í flestum flokkum sem ég gæti hugsað mér að kjósa.

Greiða handhafar fiskveiðikvótans nægilega til samfélagsins fyrir nýtingu þeirra á auðlindum almennings?

Nei, það gera þeir alls ekki. Það sést best á þeim arðgreiðslum sem er deilt til fárra útvaldra og peningaaflana. Við viljum sjá meiri jöfnuð í sambandi við fiskveiðikerfið, ekki síst til smærri byggðarfélaga. Stórar útgerðir eiga ekki að fá að komast upp með í krafti auðs síns að leika sér með fiskinn í sjónum sem við þjóðin eigum.

Hverjar eru félagslegar afleiðingar eða ágóði núverandi fiskveiðistjórnunarkerfis?

Eins og sést hefur hafa smærri útgerðarbæir nánast verið lagðir í rúst og útgerðarrisarnir haft þetta og farið með eins og sína sér eign. Það er skömm að því hvernig komið er fyrir mörgum fyrrum fiskveiðiþorpum. Ágóðann get ég ekki séð, nema að þeir sem standa að þessu verða bara ríkari.

Ef þú kallar eftir breytingum á fiskveiðistjórnunarkerfinu: hvers vegna ættir þú og þinn flokkur að vera fær um að innleiða breytingar og koma á sátt í máli sem deilt hefur verið um áratugum saman?

Vegna þess að við tækjum á því af skynsemi fyrir fólkið í landinu, ekki af gróðahugsun fárra aðila.

Afstaða til landsdóms? Var réttmætt að þínu mati að kalla hann til og rétta yfir fyrrverandi forsætisráðherra? Hver er afstaða þín til niðurstöðu dómstólsins?

Nei, mér fannst þetta sýndarmennska.

Hver telur þú að kjarninn í lekamálinu sé? Var málið alvarlegt, og ef svo er, hvers vegna?

Er það ekki alvarlegt fyrir þann sem er að fela þegar upp kemst um hann?

Hvað með nýjan búvörusamning? Hver er afstaða þín til hans?

Ég verð að segja eins og er, ég hef bara ekki kynnt mér hann nógu vel til að tjá mig um hann.

Hver er afstaða þín til inngöngu Íslands í Evrópusambandið?

Við höfum ekkert þangað að gera.

Var neitun núverandi stjórnvalda að kjósa um framhaldið svik á loforðum fyrir kosningar?

Auðvitað voru það svik.

Er „strax“ teygjanlegt hugtak?

Nei, strax þýðir strax.

Hvers vegna telur þú að ungt fólk hafi dregist svo aftur úr að því er varðar lífsgæði, efnahag og bjartsýni frá því sem áður var?

Þar kemur margt til t.d. vaxtaokrið, verðtryggingin, of hátt íbúðaverð, of hátt leiguverð á íbúðum og hrunið sem kom vegna spillingar og græðgi.

Er stefna Íslendinga í hælisleitendamálum of ströng eða ekki nægilega ströng?

Hana þarf að endurskoða og skoða vel.

Hver er afstaða þín til hagfræðiskóla John Maynard Keynes, að því er varðar hagstjórnunar- og sveiflujöfnunarhlutverk ríkisvaldsins?

Hef því miður bara ekki kynnt mér hana enn þá.

Hvað finnst þér um þá stefnu að byggja smærri íbúðir fyrir ungt fólk? Hvers vegna á ungt fólk ekki að geta fjárfest í íbúðum af hefðbundinni stærð?

Mér líst vel á hana. Flest ungt fólk vill búa í ódýrara húsnæði en það sem stendur því til boða í dag.

Rétt eða rangt: Séreignarstefnan er góð stefna sem flokkarnir ættu að sameinast um að viðhalda og virkja að nýju?

Nei.

Telur þú þinn flokk, og aðra flokka, bundna af kröfu tæplega 90 þúsund undirskrifta til stuðnings endurreisnar heilbrigðiskerfisins?

Já auðvitað.

Vilt þú aukna aðkomu einkaaðila í rekstri heilbrigðiskerfisins?

Nei.

Vilt þú aukna aðkomu einkaaðila í rekstri menntakerfisins?

Nei.

Hefur þú áhyggjur af stétt leik- og grunnskólakennara?

Þau eiga að fá mannsæmandi laun fyrir vinnu sína eins og aðrir.

Hver er afstaða þín til örlaga nýrrar stjórnarskrár?

Ég vil ekki að það sé gert lítið úr þeirri vinnu sem lagt hefur verið í hana. Það á að taka það góða úr henni og bæta við gömlu eða öfugt.

Eru 300 þúsund króna lágmarkslaun, örorka og lífeyrir sanngjörn krafa?

Já, hún er sanngjörn. 300 þúsund eftir skatt.

Eru tillögurnar sem ríkisstjórnarflokkarnir hafa valið til að hækka greiðslur almannatrygginga skrum eða raunverulegar?

Innantómt skrum.

Hvað kosta kosningaloforð þín og flokksins?

Ég er ekki með það alveg á hreinu, en við höfum efni á þeim. Það þarf bara að forgangsraða rétt.

Það má líka minna á það, burtséð frá þessum hneykslismálum, að ríkisstjórnin reyndi að troða í gegn áratuga „nýtingarrétti“ kvótagreifa á fiskinum í sjónum, hún varð hins vegar að bakka með það en rétti þeim í staðinn makrílinn og fleiri tegundir í formi gjafakvóta og aflétti veiðigjöldum.
Framsókn ætlaði líka að breyta peningakerfinu og afnema verðtrygginguna en gerði hvorugt, auðvitað.

Við sem höfum fundið okkur í smáflokkum utan hins hefðbundna fjórflokks og klofningsframboða hans erum orðin þreytt á því að heyra hann tala fyrir breytingum fyrir kosningar sem síðan heyrist kannski ekki múkk um eftir kosningar.

Við höfum rökstuddan grun um það að vegna sérhagsmunatengsla og/eða sögulegra tengsla við ákveðin kerfi þá verði þeim einfaldlega ekki breytt af þessum flokkum, í mesta lagi verði klastrað eitthvað í þau.

Í þessum kosningum gefst okkur einstakt tækifæri til að breyta Íslandi varanlega til hins betra, vegna þess að fólk er komið með nóg.

Það sem við þurfum að gera er að beina þeirri tilfinningu í gagnlegan farveg og tryggja raunverulegar breytingar.

Sjálfstæðismenn eru farnir að segja að valkostirnir í þessum kosningum séu skýrir; umbótastjórn undir forystu Pírata eða áframhaldandi stjórn Sjálfstæðisflokksins.

Við erum sammála þessu! Viltu áfram sömu gömlu spillinguna, svikin kosningaloforð, valdhroka og andlýðræðislega stjórnarhætti – eða viltu breytingar?

Við Píratar erum stofnuð fyrir lýðræði, gagnsæi, pólitíska ábyrgð og borgararéttindi og við höfum staðið fyrir þessa hluti alla okkar tíð, bæði innan þings og utan. Við stöndum fyrir róttækar kerfisbreytingar. Aðrir flokkar eru til í þá vegferð með okkur, en við Píratar þurfum sterka stöðu til að leiða þessar sögulegu breytingar.

Ef Píratar fá ekki forystuhlutverk er hætt við því að nauðsynlegar grundvallarbreytingar verði undir í hefðbundnu dægurþrasi gömlu flokkanna, og að þær renni út í sandinn við lok kjörtímabilsins. Þetta gerðist árið 2013 og þetta gæti hæglega gerst aftur – nema Píratar fái leiðandi stöðu. Við stóðum með nýrri stjórnarskrá fram á síðustu mínútu árið 2013 og við munum gera það aftur, ef við fáum til þess umboð.

Svo við spyrjum eins og Sjálfstæðisflokkurinn: viltu nýja stjórnarskrá, ný stjórnmál og lifandi lýðræði með réttlátri dreifingu auðlinda til framtíðar – eða viltu áfram sama, gamla, spillta draslið um ókomna tíð? XD eða XP?

Um það snúast þessar kosningar.

Sæl meðframbjóðendur mínir á lista Sjálfstæðisflokksins í Suðvesturkjördæmi fyrir Alþingiskosningarnar sem fram fara núna á laugardaginn 29. október 2016.

Eins og þið vitið þá kom ég inn í prófkjörið á sínum tíma án þess að hafa nokkru sinni starfað innan flokksins og kem því beint frá grasrótinni inn í þennan pakka eftir að hafa starfað innan Hagsmunasamtaka heimilanna. Það að ég skildi ná 7. sætinu í Suðvesturkjördæmi þegar minnsta þátttaka annara en innvígðra frá upphafi var ljós sagði einn af kosningarstjórum flokksins það ótrúlegt og að ég væri “The wild card”, afsakið slettuna, og kannski er komið að því að spila út því spili.

Ég kom einnig inn í þessa baráttu á ákveðnum forsendum þar sem ég var meðal annars með nokkur mál sem ég taldi hinn venjulega Sjálfstæðismann vilja að Sjálfstæðisflokkurinn vinni að í þeim kosningum sem framundan eru eftir nokkra daga.

Einnig vildi ég reyna að ná Sjálfstæðisflokknum aftur til hins venjulega sjálfstæðismanns sem mér hefur fundist að skilinn hafi verið eftir af flokknum eins og kannanir á fylgi flokksins staðfesta þó almennt sé viðurkennt að Sjálfstæðisflokkurinn á sér tryggustu kjósendur allra flokka.

Aðaláhersluefnin sem ég kom með inn í prófkjörið eru þau sömu og ég hef unnið að frá 2009 innan Hagsmunasamtaka heimilanna en þau fjalla í grunninn um afnám verðtryggingar á lánum heimilanna til fortíðar og framtíðar meðal annars vegna slæmrar áhrifa verðtryggingarinnar á heimilin og hagkerfið.
Einnig benti ég á að afnema þarf framfærsluvandann eða ef maður kallar það réttu nafni, fátæk, með þvi að viðurkenna vandann og að allt of margir geta ekki lifað mannsæmandi lífi t.d. eldra fólk, öryrkjar og allt of margt fullvinnandi fólk. Í því samhenngi þarf að finna út hvað það kostar að lifa hófsömu mannsæmandi lífi á íslandi eins og gert er í þeim löndum sem við miðum okkur almennt við og stilla svo þjóðfélagið út frá þvi.

Í þriðja lagi talaði ég um að bæta og endurskipuleggja þyrftir stjórnsýsluna og réttarfarið og gera t.d. fólki sem missti heimili sín, nafn eða æru á grundvelli ólöglegra lána fært að sækja rétt sinn aftur en í því felst m.a. að skilja þarf með afgerandi og skýrum hætti á milli löggjafar, framkvæmdar og dómsvalds í landinu.

Svo voru og eru það ýmis önnur mál sem ég veit að þarf að færa til betri vegar eins og heilbrigðismálin, auðlindamálin, menntamálin, samgöngumálin og allt það annað sem snýr að lífi venjulegulegs fólks sem er að mínu mati í algjöru uppnámi á Íslandi og þarf að endurskilgreina og endurhanna að mestu þannig að unga fólkið okkar og líka hinn venjulegi Íslendingur líði vel og geti hugsað sér að búa áfram hér á landi.

Ég tel að breytinga sé þörf innan Sjálfstæðisflokksins og raunar allra flokka og vil leggja mitt af mörkum til að gera íslenskt samfélag betra fyrir alla. Í mínum huga snúast grunnþarfir heimilanna ekki um hægri eða vinstri, blátt, rautt eða aðra regnbogans liti stjórnmálaflokkana því allir sem koma að stjórnmálum hljóta fyrst og fremst að huga að því að grunnþarfir almennings og heimilanna í okkar ríka landi séu þannig tryggðar að hægt sé að lifa hér mannsæmandi lífi.

Ég sagði í prófkjörsbaráttunni að ég biði mig fram fyrir Sjálfstæðisflokkinn, sem ég er búinn að vera skráður í frá því ég fékk kosningarétt, vegna þess að ég er sáttur við grunngildi og grunnstefnu flokksins en að sama skapi verð ég að segja að ég hef ekki verið alls kostar ánægður með hvernig þeim hefur verið framfylgt í langan tíma af þeim sem ráða stefnu flokksins.

Ég veit að hinn venjulegi sjálfstæðismaður er almennt ekki sáttur við hvernig komið er fyrir flestum heimilum landsins og hvernig gæðum landsins er skipt og ég veit að hann vill breytingar alveg eins og hinn venjulegi íslendingur og hef ég sagt við börnin mín að ég muni gera allt sem í mínu valdi stendur til að breyta þessu og þess vegna steig ég inn í pólitíkina.

Þessar breytingar þurfa að koma innan frá hvort sem það er innan stjórnmálaflokkana, kerfisins, stjórnsýslunnar eða réttarfarsins. Þessar breytingar gerast ekki að sjálfu sér því það sérhagsmunavaldakerfi sem viðgengist hefur áratugum saman vill viðhalda völdum sínum. Þessar breytingar þurfa að eiga sér stað landinu, hagkerfinu og heimilunum til hagsbóta.

Stétt með stétt eru að mínu mati ein fallegustu og réttlátustu grunnstefnuorð sem nokkur stjórnmálaflokkur hefur til að vinna eftir en ég verð að segja að mér finnst flokknum ekki hafa verið stjórnað eftir þessari grunnstefnu undanfarin ár.

Einnig finnst mér mikið vanta upp á að unnið sé eftir til dæmis landsfundarályktunum flokksins sem eru ekki eitthvað sem hægt er að stinga undir stól, þær eru til að fara eftir.

Nefni ég þar sérstaklega landsfundaráliktun Sjálfstæðisflokksins frá 2015 sem samþykkt var með miklum meirihluta atkvæða sem segir: “Landsfundur leggur til að ríkisstjórnin ráði færustu erlendu sérfræðinga til að leggja mat á hvernig hægt er að skipta út verðtryggðu lánaumhverfi og taka upp lánakjör sem þekkjast í nágrannalöndum okkar”

Ég nefni einnig flotta setningu sem samþykkt var inn í kosningarstefnumál flokksins fyrir þessar kosningar þar sem segir „Til framtíðar þurfa lánakjör hér að vera í samræmi við það sem við þekkjum frá nágrannalöndum okkar.“

Ég er einnig með skoðanakönnun sem Hagsmunasamtök heimilanna létu Capacent gera þar sem fram kemur að 80 % kjósenda Sjálfstæðisflokksins eru hlynntir því að afnema verðtrygginguna af lánum heimilanna og einungis 7 % kjósenda flokksins vilja verðtrygginguna áfram.

Ég tel mig því vera að tala fyrir að minnsta kosti 80 % kjósenda Sjálfstæðisflokksins og þeirra sem mundu vilja kjósa flokkinn þegar ég segi að flokkurinn er ekki lengur að þessu leiti að vinna fyrir hinn venjulega Sjálfstæðismann sem lifir sínu venjulega fjölskyldulífi eins og hver annar venjulegur Íslendingur.

Annað grunnstefnumál sem mér finnst ekki hafa verið unnið eftir af þeim sem stjórna flokknum er “frelsi til orða og athafna” og verðum við sem flokkur að viðurkenna að á sama tíma og flokkslínan segir að við séum “á réttri leið” og flokkurinn segir út á við að allir hafi það svo gott á Íslandi að fylgið við flokkinn ætti þá að vera að minnsta kosti 35 % ef kjósendur flokksins og landsmenn væru stjórnendum flokksins sammála.

Að forysta flokksins skuli láta eins og það sé eðlilegt að vera með á milli 19 og 24 % í undanförnum skoðanakönnunum er bara ekki rétt.

Ég fullyrði að ef Sjálfstæðisflokkurinn hefði í aðdraganda þessara kosninga farið eftir landsfundarályktuninni og kosningarstefnunni sem ég nefni hér að ofan sem fjalla um verðtrygginguna og lánakjörin á lánum heimilanna ásamt því sem ég hef verið að benda á í mínum málflutningi innan flokksins þá væri flokkurinn að fá um og yfir 35 % fylgi í þessum kosningum.

Þetta fullyrði ég því nánast allir sem ég hef talað við og þeir sem ég þekki og vildu kjósa Sjálfstæðisflokkinn segjast ekki geta það vegna þess hvernig þeir sem stjórna ferðinni innan flokksins hafa haldið á málefnum heimilanna og venjulegra fjölskyldna undanfarin ár.

Miðað við undanfarnar skoðanakanninir um að Sjálfstæðisflokkurinn fái undir því sem hann fékk í seinustu kosningu þá er það ekkert annað en tap. Jafnvel þó flokkurinn fái allt að 30 % í kosningunum nú á laugardaginn finnst mér að þau sem stjórnað hafa stefnu flokksins og því sem flokkurinn hefur unnið eftir undanfarin ár þurfi strax eftir kosningarnar að boða til landsfundar og athuga þar hvort þau hafi áframhaldandi umboð til að stýra flokknum.

Það er ekki hægt að segja annað en að það sé þeim sem ráða för í Sjálfstæðisflokknum að kenna að mörgu leiti að svona er ástatt þar sem flokkurinn er búinn að vera í ríkisstjórn seinustu
rúm þrjú og hálft ár.

Við erum á réttri leið, það er alveg rétt, en það er samt þannig að það eru ekki allir á sama hraða á þessari leið og að fjármálakerfið og fjármagnseigendur sé nánast það eina sem blómstrar í landinu á meðan heimilin og grunnstoðir þjóðfélagsins eru skilin eftir í algjörri óvissu með framtíðina svo skömmu eftir fjármálahrunið sem ekki er ennþá búið að gera upp er bara ekki réttt eða sanngjarnt fyrir heimilin í landinu að mínu mati.

Vilhjálmur Bjarnason ekki fjárfestir
Formaður Hagsmunasamtaka heimilanna
7. sæti á framboðslista Sjálfstæðisflokksins í Suðvesturkjördæmi

Stjórn Leiklistarsjóðs Brynjólfssjóðs auglýsir hér með eftir umsækjendum um styrk úr sjóðnum.

Umsóknarfrestur er til 23. nóvember nk. og verður úthlutað eigi síðar en 28. nóvember nk.

Umsækjendum er bent á að skv. 2. grein skipulagsskrár er tilgangur sjóðsins að veita styrki til ungra íslenskra leikara sem hafa hug á framhaldsmenntun erlendis.

Sjóðsstjórn hefur miðað við að styrkþegar séu yngri en 35 ára.

Meðfylgjandi er umsóknareyðublað og skal umsóknum skilað rafrænt til fil@fil.is eða á skrifstofu FÍL, Lindargötu 6, 101 Rvk.

Umsóknir sem berast eftir 23. nóvember verða ekki teknar til athugunar.

umsokn-um-styrk-ur-leiklistarsjodi-brynjolfs-johannessonar

Að lokast inni á klósetti er ekki það skáldlegasta sem getur skeð. En í skáldsögu sem gerist í Mexíkó 1968 eftir heimsfrægan, chileanskan rithöfund sem lést langt fyrir aldur fram, getur allt gerst.

Á síðustu árum hefur leitað mjög á listamenn að gera upp við hugmyndir og atburði kynslóðar sem kennd er við 1968. Undir lok sjöunda áratugarins var eins og bylgja frelsis og andófs flæddi um heiminn, ungt og áræðið fólk reis gegn stöðnun og kúgun í þjóðfélaginu en íhaldssamir einræðisherrar og valdasjúkar herstjórnir reyndu að berja það niður með valdi og veittust sérstaklega að  háskólum þar sem gagnrýnin hugsun og ný vísindi voru í gerjun. Stúdentaóeirðir brutust út og enduðu oftar en ekki með ofbeldi og blóðbaði sem settu mark sitt á söguna.

Áhrifamikill höfundur

Skáldsagan Verndargripur eftir Roberto Bolaño (1953-2003) gerist einmitt þetta fræga ár. Þetta er fyrsta bók höfundar sem kemur út á íslensku en hann er talinn „áhrifamesti höfundur sem komið hefur frá hinum spænskumælandi heimi síðastliðin 30-40 ár“, eins og Ófeigur Sigurðsson segir í flugmælskum eftirmála þýðingar sinnar. Hann þýðir úr frummálinu sem er einkar lofsvert og ekki annað að sjá en þýðingin sé stórgóð. Seint verður þökkuð eins og vert er öll sú erfiðisvinna sem þýðendur leggja á sig við að færa íslenskum lesendum heimsbókmenntir.

Ævisaga Roberto Bolaño er rakin stuttlega í eftirmálanum en fjölmiðlar og bókaútgefendur hafa afbakað hana og blásið út til að maka krókinn. Hann lést aðeins fimmtugur að aldri: „Það eru bókmenntirnar, sagði Bolaño í einu af síðustu viðtölunum sem hann veitti, sem eru að rústa heilsu minni og koma mér í gröfina“ (184).

Á kvennaklósettinu

Sagan tengist raunverulegum atburðum (Bók vikunnar). Í september 1968 réðst mexíkanski herinn inn í háskóla Mexíkóborgar, UNAM, og handtók bæði nemendur og kennara. Hópur fólks var leiddur á brott og voru menn ýmist fangelsaðir, pyntaðir eða teknir af lífi. Í sögunni sleppur ein stúlka undan hermönnunum og lokast inni á kvennasalerni í skólanum. Þar hírist hún í dögum saman, les ljóðabók, grætur yfir glötuðum tíma, hripar gömul kvæði á klósettpappír og sturtar þeim niður og lætur hugann reika um dimma dali fortíðar, þjáningu mannlífsins og mátt skáldskaparins:

„Ég hugsaði: þrátt fyrir öll mín klókindi og allar mínar fórnir, þá er ég búin að vera. Ég hugsaði: það var mjög ljóðræn athöfn að eyðileggja skrifin mín. Ég hugsaði: það hefði nú verið betra að gleypa þau, nú er ég búin að vera. Ég hugsaði: hégómi skriftanna, hégómi eyðileggingarinnar. Ég hugsaði: vegna skriftanna spyrnti ég við fæti. Ég hugsaði: vegna þess að ég eyðilagði skrifin munu þeir finna mig, þeir munu berja mig, þeir nauðga mér, þeir drepa mig. Ég hugsaði: þessir tveir hlutir eru tengdir, að skrifa og eyðileggja, fela sig og vera fundin…“ (172).

Hálfskrýtin og tannlaus fyllibytta

Aðalpersónan, Auxilio Lacouture, er með indjánablóð í æðum. Hún kallar sig móður skálda og verndara ljóðlistar. Hún segist vera vesæl, úrúgvæsk skáldkona og ferðalangur án vegabréfs, hún þvælist um ganga háskólans en er þó ekki námsmaður, vinnur stopult og býr hvergi, dandalast bara með hinum og þessum stefnulaust. Hún virkar eins og hún sé hálfskrýtin og tannlaus fyllibytta, hangir á börum með ungu menntafólki sem spjallar um bókmenntir og listir. Minni hennar er gloppótt og sjónarhornið hálfbrjálað, reikult og óáreiðanlegt. En hún hefur húmor fyrir sjálfri sér og lífinu öllu:

„Ég hló að pilsunum mínum, þröngu buxunum mínum, að röndóttu sokkabuxunum mínum, að Prins Valíant-klippingunni, hárinu sem varð með degi hverjum minna ljóst og meira hvítt, að augum mínum sem grannskoðuðu nætur Mexíkóborgar, að rauðum eyrum mínum sem hlustuðu á sögurnar í háskólanum, um stöðuhækkanir og stöðulækkanir, ómerkingana, þá hunsuðu, smjaðrarana, skjallarana, fölsku verðleikana, titrandi rúmin sem þau skriðu úr og skriðu aftur upp í undir nötrandi himni Mexíkóborgar, þessum himni sem ég þekkti svo vel, þessu róstusama og óaðgengilega himni, sem var eins og astekapottur sem ég gekk lífsglöð undir, með öllum skáldum Mexíkó…“

(47).

Ástin og myrkrið

Textinn einkennist af hiki og flæði í senn, ljóðrænu og röfli, eintali og upptalningum, alls konar óreiðu og vísunum í sögu og bókmenntir Suður-Ameríku sem oft er erfitt að bera kennsl á fyrir ókunnuga. Athugasemdir þýðanda neðanmáls eru hjálplegar auk eftirmálans sem er skyldulesning. Öllu ægir saman, kvíða og kulda, grimmum veruleika og fornum goðsögnum; tíminn er óljós og óraunverulegur, persónur sögunnar þvælast stefnulaust um stræti og torg í ölæði og angist en alls staðar er þessi heiti lífskraftur og ástin til skáldskaparins.

Margt er myrkt í þessari sögu. Auxilio er óvenjuleg persóna, lifandi goðsögn og útigangskona á einhverju óljósu ráfi um þessa risavöxnu borg og undirheima hennar. Voveiflegir atburðir úr ofbeldisfullri fortíð ryðjast fram og ýta við lesandanum sem verður bæði ráðvilltur og sorgmæddur.

En hver er verndargripurinn sem sagan dregur nafn sitt af? Er það háskólinn, miðstöð mennta og framfara? Skáldskapurinn sem stúlkan sökkti sér niður í meðan lífið steypti stömpum fyrir utan klósettdyrnar? Nei, það er ekkert einfalt í þessu myrkraverki. Í lok sögunnar hljómar draugalegur söngur ungs fólks sem stefnir í vísan dauða og tengist sögu um kynslóð ungmenna sem var fórnað, um börn sem stefndu í stríð, „um hugrekkið og um speglana, um þrána og um gleðina. Og þessi söngur er okkar verndargripur“ (181).

Sæmundur, 2016

187 bls.

195.200 einstaklingar kusu í kosningunum á laugardag. Það nemur 79% kjörsókn eða minnstu kosningaþátttöku í Alþingiskosningum frá lýðveldisstofnun.

Kjörsókn er tiltölulega há á Íslandi miðað við önnur OECD-lönd. Í frétt Morgunblaðsins af kosningaþátttöku segir að Ísland sé í sjöunda sæti á lista OECD um kosningaþátttöku 35 landa. „Í efsta sæti er Belgía með 89,4%. Í norrænum samanburði er Ísland ofar Noregi og Finnlandi í kosningaþátttöku en Danmörk og Svíþjóð skora hærra. Líkt og á Íslandi hefur kosningaþátttaka minnkað víðast hvar í heiminum á síðustu áratugum.“

Þá kemur fram að kosningaþátttaka hafi verið hvað mest árið 1956. „Í fyrstu alþingiskosningunum eftir lýðveldisstofnun var kjörsókn 87,2%. Hún reis til ársins 1956 þegar hún náði hámarki í 92,1% og staðnaði í kringum 91% fram til kosninganna 1978.“

FRÉTTATILKYNNING

Kokkalandsliðið fékk gullverðlaun, tvenn silfurverðlaun og bronsverðlaun á Ólympíuleikunum í matreiðslu sem fram fóru í Þýskalandi. Singapore var sigurvegari Ólympíuleikanna í samanlögðum stigum, Finnland var í öðru sæti og Sviss í þriðja sæti. Á leikunum er keppt í mörgum greinum og var Ísland í 3. sæti landsliða í eftirréttum “Culinary Pastry Art”.

Kokkalandsliðið vann silfurverðlaun fyrir heita matinn á Ólympíuleikunum í Þýskalandi eftir frammistöðu sína í keppninni í gærkvöldi. Kokkalandsliðið hafði 6 klukkustundir til að matreiða þriggja rétta máltíð fyrir dómara og 110 gesti.

Þráinn Freyr Vigfússon, þjálfari liðsins: “Við erum mjög ánægð með þennan árangur. Liðið stóð sig vel í keppninni í gær og silfurverðlaunin staðfesta að við erum með mjög sterkt og vel æft lið sem vinnur vel saman. Við höfum lagt áherslu á að nota hágæða íslenskt hráefni. Þetta hefur fallið vel í kramið hjá dómurunum. Í dómgæslunni er ekki bara bragð, útlit, samsetning og hráefnisval metið heldur er einnig tekið mið af fagmennsku við undirbúning og hvernig liðið vinnur saman að matargerðinni í keppniseldhúsinu. Í þeim þáttum stóð liðið sig einnig vel. “

Það er mikilvægt fyrir Kokkalandsliðið að hafa öfluga aðila sem styðja við bakið á okkur og erum við þakklát öllum bakhjörlunum og samstarfsaðilunum sem lögðu sitt af mörkum til að við gætum tekið þátt í keppninni. Við erum að keppa við fjölmennar þjóðir sem leggja mikið undir og því er árangurinn sem við náðum enn eftirtektarverðari. Þessi glæsilegi árangur liðsins gefur okkur möguleika á að efla liðið enn frekar fyrir næstu keppnisþátttöku,” segir Þráinn.

Í Kokkalandsliðinu eru: Hafliði Halldórsson framkvæmdastjóri liðsins, Þráinn Freyr Vigfússon þjálfari, Bjarni Siguróli Jakobsson fyrirliði, Björn Bragi Bragason forseti KM/framkvæmdastjórn, Steinn Óskar Sigurðsson liðsstjóri, Jóhannes Steinn Jóhannsesson liðsstjóri, Fannar Vernharðsson, Ylfa Helgadóttir, Hafsteinn Ólafsson, Axel Clausen, Garðar Kári Garðarsson, Hrafnkell Sigríðarson, Atli Þór Erlendsson, Sigurður Ágústsson, Georg Arnar Halldórsson og María Shramko.

Ég hef alltaf verið manneskjan sem styð það að fólk fái greitt vel fyrir störf sín og ábyrgðarsvið, hvaða nöfnum sem þau nefnast. Ég er manneskja sem uni öðrum fjárhagslegs öryggis og velgengni án þess að vera með öfund eða tuð.

Þangað til í gær var ofangreint satt og rétt – en akkúrat núna sýður svo svakalega á mér að ég gæti örugglega hitað upp hálft höfuðborgarsvæðið. Ákvörðun Kjararáðs um að hækka laun alþingismanna um 340.000 á einu bretti – var bara of mikið fyrir mig.

Mánaðarlaun mjög stórs hóps af fólki á Íslandi fyrir skatt ná rétt svo að slaga upp í þessa upphæð. Bætur og lífeyrir hjá meginþorra þeirra sem þær þiggja eru allt að tvöfalt lægri á mánuði fyrir skatt en þessi prósentuhækkun launa alþingismanna.

Hinn almenni launamaður og bótaþiggjandi situr alltaf við borðið þar sem talað er um hóflegar hækkanir, að ekki megi fara offari því þá fari nú allar vísitölur í fokk, hagvöxtur fari til fjandans og þetta hafi allt í för með sér hækkanir vöruverðs og almenn vansæld hagkerfisins.

Fyrirgefið á meðan ég æli.

Hvernig getur nokkur þingmaður með snefil af virðingu fyrir sjálfum sér, þeim sem hann vinnur fyrir, já það erum við almenningur, og samfélaginu sínu, sagt já takk við þessari hækkun. Hvernig ætlar viðkomandi að réttlæta fyrir sjálfum sér þvílíka hækkun á meðan að fólk lepur bókstaflega dauðann úr skel. Berst allan mánuðinn til að geta borgað húsnæðis- og matarkostnað sem er stjarnfræðilega klikkaður á launum eða bótum sem eru allt að helmingi lægri en þessi hækkun FYRIR SKATT. Guð forði viðkomandi frá því að þurfa að endurnýja einhvern fatnað í leiðinni.

Það verður að gera róttæka hluti í þessum ömurlega kjarahalla á Íslandi. Hættið að væla um að almennir launþegar verði að fara í hóflegar hækkanir. Hættið að koma inn hjá launþegum eilífu samviskubiti yfir því að vísitöluhækkanir, hagvaxtaflökt og viðskiptahalli sé þeim að kenna. Finnið bara leið til þess að hver einasta manneskja á þessu blessaða skeri geti lifað mannsæmandi lífi.

Það er alltaf til leið og það er alltaf til lausn og ég skora á þingheim, verkalýðsfélög, SA og alla aðra sem hafa eitthvað um kjaramál að segja að finna þessar lausnir. Ef kerfin sem við búum við eru svo léleg og viðkvæm að það sé ekki hægt að hækka laun í þeim, finnið þá önnur kerfi.

Ekki eftir ár eða 3 heldur í gær.

Berglind Kristinsdóttir skrifar:

Ég er kennari og í dag er ég veik heima, ég er ekki að þykjast vera veik eða neitt slíkt en upp hefur komið sú hugmynd inn á facebook síðu grunnskólakennarar á Íslandi, að kennarar taki sig saman og tilkynni sig veika og mæti ekki til vinnu. Kennarar eru nefnilega langþreyttir og reiðir yfir því að vera samningslausir og fá í sífellu þau svör að það sé ekki hægt að bæta kjör þeirra og laun og skil ég það svo miklu betur en ég hefði kosið.

Ég er sem sagt í alvörunni veik, er með asma og hefur slím í lungum verið að pirra mig upp á síðkastið. Ég svaf ekkert í nótt og heldur ekkert nóttina þar áður þar sem ég hóstaði svo mikið að ég náði ekki að festa svefn. Ég mætti samt í vinnuna í gær, ósofin og veik, skaust í friðarpípu á heilsugæslunni til að létta á önduninni á meðan nemendur mínir voru í íþróttum og hélt síðan áfram að kenna þeim.

Af hverju mætti ég til vinnu lasin? Nú af því að nemendur mínir eru í lestrarátaki og mér fannst alveg ótækt að ég væri ekki á svæðinu til að aðstoða þau, ég varð að passa að þau myndu ekki missa dag úr í blessaða átakinu. Ég kenndi þeim líka á klukku og að standa með sjálfu sér og skoðunum sínum. Þau komu líka aðeins í ræðupúltið og æfu sig í að koma fram, það gæti nefnilega hugsast að ég sé mögulega að kenna framtíðar þingmönnum eða ráðherrum eða forseta íslands ef við viljum taka þetta alla leið og þá verður það mér að þakka að þau kunna listina að flytja ræðu og koma fram. Ég kenndi þeim sem sagt alveg heilmargt á milli hóstakastanna minna.

Ég knúsaði þau meira að segja öll í lok dags og þakkaði þeim fyrir að vera frábær þau sáu að mér leið ekki vel og lögðu sig fram við að vera til fyrirmyndar og knúsaði ég þau fyrir það. Það er nefnilega svo skrítið að ég geri mér grein fyrir auðnum sem í þessum börnum búa og knúsa þau oft, ég hef kennt þeim síðan í fyrsta bekk og þykir mér svo undurvænt um þessi börn en það er nú heppilegt að astmi er ekki smitandi og þau því ólíklega gripið einhverja pest við allt þetta knús.

Eftir kennslu dreif ég mig heim, baðst undan því að vera í vinnunni til fjögur þennan daginn þar sem ég var lasin. Ég hlunkaðist í sófann og las fréttirnar, það fyrsta sem blasti við mér að kjararáð hafði ákveðið að hækka laun forseta Íslands, þingfararkaup alþingismanna og laun ráðherra, þetta voru ekkert lágar tölur eða svona um það bil mánaðarlaun mín sem kennari sem þetta fólk fékk í launahækkun á einu bretti.

Ég verð að viðurkenna það að ég varð í fyrstu reið og svo vonsvikin og svo vonlítil og svo varð ég leið. Ég ætla ekki að bera vinnu mína saman við störf þingmanna, ráðherra eða forsetans. Ég ætla ekki að metast um hvor sinnir mikilvægara starfi eða hvor okkar eigi rétt á hærri launum.

Ég ætla bara að segja að ég vildi óska þess að starf mitt væri metið jafn mikilvægt og starf áðurnefndra embættismanna og að allir þegnar þessa lands væru á þeirri skoðun að kennarar ættu rétt á mannsæmandi launum og bættu starfsumhverfi.

Ég ætla bara að segja að það að ég skuli mæta veik til vinnu og knúsa nemendur mína og leggja mig fram við að kenna þeim það sem ég tel mikilvægt ætti að vera metið til jafns við það að sitja á alþingi. Börn þessa lands hljóta að skipta máli, ég neita að trúa því að ríkisstjórnin, hver sem hún svo verður, sjái ekki mikilvægi þess að hlúa að kennurum og innviðum menntastofnanna því ef það verður ekki gert þá verða engir kennarar eftir í skólum landsins.

Við nefnilega getum ekki verið langþreytt að eilífu og sú umhyggja sem ég ber til nemenda minna sem gerir það að verkum að ég mæti daglega samningslaus til vinnu mun vega minna á vogarskálunum þegar fram í sækir og réttlætiskenndin mín mun fara að snúa að sjálfri mér en ekki að nemendum mínum eða þeirri óbilgjarnri trú og von um að þetta fari nú að lagast. Það mun koma sá dagur og hann er ekki langt undan skal ég segja ykkur að ég segi upp starfi mínu sem kennari.

Ég veit ekki með þingmenn og ráðherra en ég held að það sé ekkert svo létt að skipta þeim bara út fyrir annan, orðatiltækið að það kemur maður í manns stað á ekkert við hér og það sama gildir um kennara…það er ekki hægt að skipta okkur endalaust út um leið og einn kennari gefst upp.

Með hverjum kennara sem gefst upp þá töpum við gríðarlegri þekkingu úr menntakerfinu og þann auð er ekki hægt að skipta út. Ég er allavega viss um að nemendur mínir myndu sakna mín ef ég neyðist til að hverfa á brott og það sama gildir um mig, ég mun sakna þeirra en ég get bara ekki látið traðka á mér með skítugum skónum endalaust.

Virðingafyllst
Berglind Kristinsdóttir
Grunnskólakennari við Grunnskólann í Hveragerði

Guðrún S. Þórarinsdóttir fyrrum sérkennari og bókaormur skrifar:

Ég er einn þeirra Íslendinga sem fæddir eru á fyrri hluta síðustu aldar. Þeir áratugir sem ég hefi lifað hafa einkennst af miklum breytingum og hraðri tækniþróun. Fólk sem er að eldast, en vill fylgjast með samfélaginu og því sem þar gerist, þarf að tileinka sér sífellt nýja og breytta tækni til þess að vera gjaldgengt, einkum þó tölvutæknina. Þetta hafa, að ýmsu leyti, verið erfiðir tímar fyrir sumt eldra fólk þótt margt hafi líka verið mjög gefandi og skapað mörgum tækifæri sem áður voru ekki í boði.

Í gegnum alla þessa breytilegu tíma hefur tvennt staðið upp úr, haldið velli sem ómetanlegur gleðigjafi og fróðleiksveitandi fyrir þá sem ekki geta nýtt sér prentletur. Þetta eru Ríkisútvarpið, rás 1, og Hljóðbókasafn Íslands, sem áður hét Blindrabókasafn Íslands. Bókin er það afþreyingar- og fræðslutæki sem mest munar um og hafa báðar þessar stofnanir staðið sig vel í að vera haldreipi fyrir þá sem ekki hafa sjón eða, af öðrum ástæðum, geta ekki lesið prentað mál eða tileinkað sér tölvutæknina sem þarf til þess að nota nútíma afþreyingu.

Músarsmellir og arðsemi

Nokkrir lánþegar Hljóðbókasafnsins hittast reglulega í bókmenntaklúbbi á vegum Blindrafélagsins þar sem þeir hlusta saman á kafla úr bókum og ræða efnið. Ég er innvígð í þennan lestrarhóp og fyrir skömmu snérist umræðan m.a. um þá staðreynd að reglulega spretta fram hópar og einstaklingar sem sækja hart að þessum stofnunum báðum. Sumir stjórnmálamenn vilja selja Ríkisútvarpið og þá má ímynda sér hvað yrði um rás 1 og það hlutverk hennar að standa vörð um menningu og fræðslu til hlustenda sinna. Þótt vitað sé að flestar aðrar útvarpsrásir, á hinum frjálsa markaði, séu hver annarri líkar og byggi dagskrá sína að mestu leyti á tónlist, sem einkum höfðar til yngri kynslóðanna, og fánýtu óundirbúnu hjali, þá vega markaðsrökin þyngra í huga þeirra sem selja vilja Ríkisútvarpið en það hlutverk sem því er ætlað að sinna. Ég veit um stóran hóp ungs fólks sem hlustar á rás 1 sér til skemmtunar og fróðleiks og teldi það ófyrirgefanleg mistök ef til kæmi að þessi verðmæta eign okkar allra rynni í hít markaðsaflanna sem eingöngu taka mið af vinsældum, músarsmellum og arðsemi.

Það sama gildir um Hljóðbókasafn Íslands, það er tvímælalaust tryggasti förunautur okkar sem alls ekki getum nýtt okkur prentað letur. Ef þess nyti ekki við myndum við aldrei „líta“ í bók hvað þá njóta alls þess dásamlega sem rithöfundar og þýðendur landsins færa okkur, okkur öllum. Þá væri lestrarhópurinn okkar ekki til og þá hefði ég ekki kynnst öllu því góða fólki sem þar hittist og deilir upplifun sinni af góðum bókum.

Safnið hefur, að mínu mati, staðið sig mjög vel í því að gera fjölbreytt úrval af alls kyns bókum aðgengilegt með innlestri og ég veit að innlestur og vönduð vinnsla bókanna hefur ætíð haft forgang framyfir önnur verkefni á sama tíma og fjárhag þess er þröngur stakkur sniðinn. Og þegar úr takmörkuðu fjármagni er að spila þarf að velja og hafna því ekki dugar naumt skammtað fé til þess að lesa allt útgefið efni, langt því frá. Þá vill það verða svo að þær bækur, sem njóta mestra vinsælda á hverjum tíma, fá forgang og að sjálfsögðu námsbækur.

Eftirlit með ljósritunarvélum

Á síðasta fundi okkar ágæta lestrarhóps heyrði ég útundan mér að á þessum árstíma, þegar jólabókaflóðið er framundan, sæki markaðsöfl að Hljóðbókasafninu og vilji með einhverjum hætti hafa áhrif á starfsemi þess og draga úr eða skerða lögbundna þjónustu þess í þeirri trú að það auki sölu á almennum markaði. Áhyggjur þessara afla snúast væntanlega að mestu um ólöglega dreifingu hljóðbóka í gegnum netið og víst er, þó ég hafi ekki þekkingu á slíku, að þeir sem hana hafa, geta dreift ef brotaviljinn er einbeittur. Dreifing á efni safnsins er skýrt brot á þeim skilmálum sem lánþegar ganga að í hvert sinn sem þeir skrá sig á notendavef þess og refsingin sem bíður þeirra, ef upp kemst, er sú að aðgangi þeirra verður umsvifalaust lokað.

Dettur einhverjum í hug að lánþegi, sem á allan sinn bókalestur undir því að hafa slíkan aðgang, taki þá áhættu?

Og, ef við lítum lengra, má þá ekki ætla að öll almenningsbókasöfn landsins séu ógnun við samkeppnina? Hvað er til ráða ef Sigga fær lánaða bók á almenningssafni og gerist svo djörf að lána hana til Boggu í næsta húsi? Þar tapast sala á tveimur eintökum.

Þurfum við ekki að hafa strangara eftirlit með ljósritunarvélum og fólki sem hugsanlega les hvert fyrir annað úr nýútkominni jólabók?

Að horfa ætíð á þá örfáu sem hugsanlega svindla og ætlast til þess að það sjónarhorn verði alltaf ofaná er óvirðing við heiðarlegt og vammlaust fólk, skaðlegt fyrir samfélagið allt og, ef slíkt sjónarmið ætti ætíð að ráða, þýddi það, í mörgum tilfellum, óumdeild mannréttindabrot gegn öllum þeim sem eiga ekki annarra kosta völ.

Þetta á ekki síst við um lánþega Hljóðbókasafns Íslands, blint og sjónskert fólk og aðra þá sem, af einhverjum ástæðum, geta ekki nýtt sér prentað letur til gagns og gamans.

Ég brýni þá sem hlut eiga að máli til að standa vörð um þau mikilvægu mannréttindi að lánþegar Hljóðbókasafns Íslands geti hér eftir, sem hingað til, notið þeirrar góðu þjónustu og góðu bóka sem safnið framleiðir.

Pólitík minnir um margt á hljómsveitabrölt, jafnvel Júróvisjon.

Sjálfstæðisflokkurinn er sinfóníuhljómsveit með alvarlega hljóðfæraleikara sem spila 400 ára gömul lög eftir nótum og með strangan stjórnanda.

Framsókn er harmonikkubandið sem getur gert mann vitstola af leiðindum en virkar vel á hlöðuballi úti í sveit þar sem allir eru klæddir lopapeysum og með landabrúsa í rassvasanum.

Viðreisn er gáfumannapoppið, Steely Dan, Toto og þess háttar bönd. Þegar þeir vilja vera alveg kreisí og dansa á mörkum brjálæðis spila þeir Lucretia McEvil með Blood Sweat and Tears sem hljómar hættulegt en er það ekki.

Pírata langar að vera pönkband en púlla það ekki. Þeir eru 101 Rottweilerhundar. Aragrúi af fólki fær að vera aðal, ryðjast fremst á sviðið, hver tekur við af öðrum í hverju lagi og alla langar að vera Erpur.

Björt framtíð er hins vegar pönkbandið, verst er þó að Sid Vicious er dauður. En Johnny Rotten heldur ótrauður áfram.

Vinstri Grænir eru fiðlukvartettinn sem spilaði með Björk út um allar trissur.
Og Samfylkingin er lyftutónlist.

Eins og í Júróvisjon eru undankeppnir þar sem allir fá tækifæri til að kynna lagið sitt. En að endingu kemur að stóra dómi. Hvern velur þjóðin?

Svo flækist málið. Því það þarf að spila ball. Og það þarf að vera fjögurra tíma prógramm. Böndin þurfa að koma sér saman um hverjir fá að vera með og þá er að einhverju leyti tekið mið af vinsældakosningunni sem á undan er gengin. Svo er að finna út úr því hverjir hita upp og hver fær að heddlæna.

Okkar djobb er hins vegar að mæta á ballið og dansa, alveg sama þótt uppáhalds hljómsveitin okkar er ekki að spila.

Þetta er bara fjögurra tíma ball, og kannski verður uppáhalds bandið okkar þá bara á næsta balli. En það er asnalegt að vera fúli gæinn sem situr á steini, drekkur sig perufullan fyrir utan ballið og vill svo bara fara að slást.

Lífið er of stutt til þess.

Ást og friður…Tommi

Ég hef ekki haldið jól á Íslandi í 13 ár og þar af síðustu átta á hótelum í Bandaríkjunum. Ég mæli með því. Jólatré úr Dollar Store, eða fengið til láns fullskreytt af hótelganginum, litlir pakkar fyrir alla sem hægt er að koma fyrir í tösku, jólamaturinn teik-át úr Whole Foods og kakó og smákökur sent með rúm-sörvis. Þetta tekur um það bil einn og hálfan sólarhring og svo er það frá.

Nú eru það aftur Íslands-jól og þá finn ég hvað jólasektin hellist yfir mig. Fyrstu merki jólanna eru fyrir mér þegar ég uppgötva að lesendur eru farnir að lesa gamlar uppskriftir í Kvennablaðinu af handgerðu jólaskrauti, t.d þetta og þetta.

Ég hef hingað til ekki reynt við þessar uppskriftir en nú má heita að ég sé friðlaus. Ég hef einhverja innri þörf fyrir að búa allt jólaskrautið til sjálf þó ég hafi ekki nokkra kunnáttu til þess, hvað þá tíma. Prjóna utan um jólakúlur, baldera jólasveina á allan sængurfatnað, kaupa jólagardínur og hekla á þær kant – í rauðu eða hvítu? Þar er efinn.

Mér er nákvæmlega sama hver verður forsætisráðherra.

Maðurinn minn fær ef hann bara vill tæpar 85.000 krónur í sjúkradagpeninga á mánuði, það er sko miklu meira en nóg fyrir mig og mína. Meira væri minna.

Stefán sem á að heita í veikindafríi vill láta pússa upp eldhúsborðið því hann ætlar að hnoða 18 sortir á því. Hann reynir sífellt að senda mig í sérverslanir til að kaupa einhverja varahluti á hrærivélina svo hann geti mótað í vélinni  smákökur sem búa í hugskoti hans. Hann hefur allt okkar hjónaband aðeins bakað eina köku og það einungis þrisvar sinnum – Já, ég færi allt til bókar. Sú heitir GulrótarkakaN með stórum staf og greini og það er eins og Stefán hafi lítinn lágstilltan kvartett leikandi við hlið sér þegar hann talar um ágæti hennar. Ég á hinn bóginn er ekkert fyrir gulrótarkökur þannig að ég kvarta svosem ekki þótt hún sé bara bökuð á svona fimm ára fresti.

Núna vill Stefán ekki vera minni maður en kökugerðarprinsinn Bjarni Ben enda er kökugerðarmyndbandið það lang lang besta sem Bjarni hefur gert.

En að handverkinu …

Sjáið þessa handgerðu engla. Jóla-kerúbar frá Drops. Þeir eru svo krúttlegir að það bókstaflega snýst við í manni innvolsið. Ef englar eru til þá eru þeir svona. Þegar ég dey – þá pant verða svona – lítil, loðin, hvít, handa- og fótalaus með garðaprjónsvængi. Hér er uppskriftin fyrir þjáningarsystur mínar.

Hér heima er bara ríflega þriggja metra lofthæð, ég gæti án efa prjónað mitt eigið jólatré ef ég loka Kvennablaðinu og byrja í fyrramálið.

Hvernig væri svo að fylla jólatréið síðan af handprjónuðum rauðbrystingum? Þessir eru prjónaðir á tannstöngla, eflaust dálítið seinlegt en ekki vitlaust að dunda við þá á matmálstímum og þurfa þá ekki að standa upp til að hreinsa niðurgreitt sykurjukkið úr tönnunum.

Hvað með það þótt Kjararáð sé í maníu og barnakennarar eigi ekki í matinn? Nám er bara fyrir iðjuleysingja, sagði ég við börnin mín eftir að hafa hlýtt á heilræðavísur Áslaugar Örnu. Drullið ykkur út og græðið einhverja peninga, hittið fólk og allskonar, sagði ég hastarlega og fitjaði upp á rauðbrystingi.

Kristján Frímann skrifar um hljómplötur
Myndir NN – KFK

Jólin 1955 þegar ég var fimm ára fékk ég bókina „Kappar II.– Þættir úr Íslendingasögum“ í jólagjöf. Ég var byrjaður að stauta en kunni ekki að lesa mér til gagns að neinu viti, svo foreldrar mínir urðu að lesa fyrir mig. Bókin var ríkulega myndskreytt af teiknaranum Halldóri Péturssyni og þar komst ég í ómældan fjársjóð mynda sem ekki bara lýstu upp sögurnar, heldur lifnuðu persónurnar bókstaflega í höndunum á mér og urðu ég, sem; Ólafur sonur Melkorku, Kjartan sonur Ólafs, útlaginn Gísli Súrsson og Urðarköttur eða Finnbogi rammi (sterki). Pabbi var duglegri að lesa fyrir mig en mamma, líklega vegna þess að efnið höfðaði meira til hans en mömmu, enda ber bókin þess glögg merki í dag af gulnuðum tóbaksdropum sem fallið höfðu hér og þar á síðurnar í hita leiksins, því pabbi tók í nefið á þessum tíma.

Bókin, sögurnar og spennan sem lá í loftinu þegar pabbi las aftur og aftur söguna um Finnboga ramma og tóbaksdropinn hékk á nefinu út fyrstu blaðsíðu og þá næstu, svo féll hann, rifjuðust upp fyrir mér þegar ég fór að spá í þessa grein um Kaleo, enda er eitthvað hetjulegt við þessa drengi sem ungir að árum héldu í víking til Vínlandsins góða að gera garðinn frægan.

(Mynd: AV – KFK – Litið til framtíðar)

Vegir liggja til allra átta

Nafnið KALEO er sótt til suðurhafa og merking þess á hawaiísku er rödd eða hljóð (sound) sem hentar vel hljómsveit þar sem rödd og sound (hljóð) er í hávegum. Hljómsveitina skipa; Jökull Júlíusson, söngur og gítar; Davíð Antonsson, trommur (ásláttarhljóðfæri) og raddir; Daníel Ægir Kristjánsson, bassi og Rubin Pollock, gítar og raddir.

Ferill Kaleo til dagsins í dag er í stuttu máli þessi:

Eftir þriggja ára aðdraganda þar sem skólafélagarnir Jökull, Danni (Daníel) ásamt Davíð höfðu tekið þátt í Músíktilraunum og spilað á börum eins og Oliver og Hressó var ákveðið að taka tónlistina alvarlega og frá hausti 2012, spila þeir eingöngu eigið efni. Þá kemur Rubin inn á gítar og Jökull er tilbúinn með nokkur frumsamin lög, meðal annars Pour Sugar on Me, Rock and Roller og eigin útsetningu á hinu þekkta dægurlagi; Vor í Vaglaskógi. Sama ár spiluðu þeir á Iceland Airways; „Off venue“ á kaffibarnum Hressó við góðar undirtektir og voru hressir með stuðninginn sem þeir fundu.

Á nýju ári, 2013 var aftur ákveðið að taka þátt í Músíktilraunum og þar voru þeir valdir af salnum til áframhaldandi þátttöku. Lagið Vor í Vaglaskógi vakti athygli og í framhaldinu hafði Sena samband og vildi gefa út plötu sem kom út fyrir jólin og varð næst söluhæsta platan það árið.

Og nú líður tíminn allt í einu hraðar en venjulega og í mars 2014 slá þeir í gegn á hlustendaverðlaunum útvarpsstöðva og eru valdir; Hljómsveit ársins, nýliðar ársins og Jökull er valinn söngvari ársins. Þeir flytja hlustendum lagið I Walk on Water sem slær í gegn á Rás2.

Þegar þarna er komið sögu er farið að hitna í kolunum og lög Kaleo að birtast á netinu. Bruce Kalmick umboðsmanni hljómsveita hjá Tripple 8 í Austin Texas er bent á Kaleo og það er hlustað.

Í júlí taka þeir upp lagið All the Pretty Girls sem verður strax vinsælt á netinu og fær met hlustun á Spotify.

Svo hringir síminn og á línunni er maður sem kynnir sig sem Seymour Stein hjá Warner Brothers og spyr hvort Kaleo verði með tónleika á næstunni á Íslandi, hann langi til að koma og heyra þá spila. Jökull er snöggur að gúggla manninn og tónleikum er komið á 1. október á Gamla Gauknum. Þótt auglýsingar og yfirbragð væri sakleysislegt voru þetta mikilvægir tónleikar fyrir strákana. Allri vitneskju um það sem var að gerast var haldið frá blaðamönnum … ef ekkert yrði nú úr …. Þarna mættu einhverjir 250-300 tónleikagestir á miðvikudegi, nokkrir aðstandendur en ekki síst erlendir fulltrúar. Greg Nadal frá Atlantic Records, Bruce frá Triple 8 og Jes lögfræðingur, samstarfsmaður hans. Inni í búrinu hjá Þresti hljóðmanni sátu Seymour Stein og Heather umboðsmaður Of Monsters and Men.

Til að gera langa sögu ennþá styttri, landa þeir samingi hjá Atlantic Records í samvinnu við Warner Chappel hjá Warner Brothers.

(Mynd: NN – KFK – Þetta er jú bara svona)

Seymour Stein

Ef maður er með hugmynd í kollinum og óbilandi trú á því að hugmyndin sé ekki galin er aldrei að vita nema hún geti orðið eitthvað meira en galin hugmynd. Þannig leið Seymour Stein þegar hann var að burðast við listagyðjuna í sumarstarfi hjá útgáfufélaginu King Records í Cincinnati um 1960. Það leiddi til fastráðningar og Seymour Stein dvaldi hjá King Records næstu tvö árin og safnaði reynslu sem átti eftir að verða honum góður grunnur að byggja framtíðina á.

Árið 1966 þegar Stein var 24 ára, stofnaði hann ásamt félaga sínum Richard Gotterhrer útgáfufyrirtækið Sire Productions sem breyttist í Sire Records þegar stefnan var tekin á útgáfu hljómplatana og Seymour sem hafði nef fyrir góðum hlutum og áræði til að ryðja þeim braut, lagði grunninn að veldi með plötusamingi árið 1975 við óþekkta hljómsveit sem spilaði skrýtna tónlist og kallaði sig the Ramones.

Frumkvöðull

Starfsheiti Seymour Stein er Entrepreneur eða frumkvöðull, sem er orð að sönnu, því í kjölfar útgáfunnar á the Ramones, kynnti hann til sögunnar listamenn eins og; Talking Heads, the Pretenders, Madonnu, Depeche Mode, The Smiths, The Cure og fleiri.

Umboðsmaður Talkin Heads, Gary Kurfirst sagði þetta um þefskyn Seymour Stein á góða tónlist:

“Seymour’s taste in music is always a couple years ahead of everybody else’s,”

Í dag er Seymour Stein enn forstjóri Sire hljómplötuútgáfunnar ásamt því að vera í stjórn hjá Warner Brothers risanum. Sire Records er í dag dótturfyrirtæki hjá Warner Brothers ásamt Atlantic útgáfufyrirtækinu þar sem hljómsveitin Kaleo er á samningi.

(Mynd: NN – KFK: Urður, Verðandi og Skuld)

No Good

Platan A/B byrjar á laginu No Good og krafturinn í innkomunni minnir mann aftur á liðna tíð og hetjur. Það er nánast eins og innrás þegar gítarinn tekur völdin með röddinni.

Can’t fight the temptation
When you get the vibration
Won’t do you no good
Won’t do you no good

You better start running
When you hear the man coming
Won’t do you no good
Won’t do you no good

Textinn minnir líka á fornar sagnir um innrásir og flótta.

No we don’t mind
If you don’t mind
Hell I never mind!

Now let the moment break you
Let the feeling come take you
Won’t do you no good
Won’t do you no good

Þó hér sé það innrás í hjarta á flótta.

And you know I got feelings
Won’t you hit me right, you know you might as well
Won’t do you no good
‘Cause he won’t do you no good

And I said kiss your baby goodbye
Come on, love, it’s alright!
Heaven knows they wanna break you apart, yeah

Kiss your baby goodbye
Come on, love, it’s alright!
You never know unless you give it a try, oh yeah!

‘Said do you no good, yeah!

Can’t fight the temptation
When you get the vibration
Won’t do you no good
Won’t do you no good

And you can tell I got feelings
You try to shake it off, I know you won’t
You won’t do you no good
Today won’t do you no good

And I said kiss your baby goodbye
Come on, love, it’s alright
Heaven knows they wanna break you apart, yeah

Kiss your baby goodbye
Come on, love, it’s alright
You never know unless you give it a try, oh yeah!

Yeah, yeah!
Whoa, yeah!
No, no, baby
Yeah!
Whoa yeah!
Want my sweet little baby
Whoa you’re no good babe, yeah!
I said yeah
One day yeah, baby!
Ah yeah
Woo!
Oh yeah!

Og rokkið er eins og rokið, stormurinn og regnið – kraftmikið, öflugt og hreint.

(Mynd NN – KFK: Er fjarlægðin fögur og blá?)

Way Down We Go

Father tell me, we get what we deserve
Oh we get what we deserve

And way down we go-o-o-o-o
Way down we go-o-o-o-o
Say way down we go
Way down we go

You let your feet run wild
Time has come as we all oh, go down
Yeah but for the fall oh, my
Do you dare to look him right in the eyes?

Cause they will run you down, down til the dark
Yes and they will run you down, down til you fall
And they will run you down, down til you go
Yeah so you can’t crawl no more

And way down we go-o-o-o-o
Way down we go
Say way down we go
Cause they will run you down, down til you fall
Way down we go

Oh bab-bab-yeah
Wow baby-a-aha
Baby
Bab, down we go
Yeah

And way down we go-o-o-o-o
Way down we go
Say way down we go
Way down we og

(Mynd: NN – KFK Handagangur í öskjunni)

A hlið

01 – NO GOOD
Produced by Jacquire King / Mixed by Andrew Scheps / Recorded by Lowell Reynolds / Additional Bmgineering: Kolton Lee, Nate Pittsburgh Dickinson / Recording Assistants: Sean Badum, Kolton Lee / Background Vocals: Ashley Wilcoxson, Leisa Hans, Heather Rigdon / Keyboards: Tim Lauer / Percussion & Programrning: Eric Darken / Programming: Jacquire King / Recorded at Blackbird Studios (Nashville, TN), Undertow (Nashville, TN), Red Caiman Studios (Pittsburgh, PA) / Mixed at Punkerpad West (Van Nuys, CA), Punkerpad UK (Ombersley)

02 – WAY DOWN WE GO
Produced by Kaleo and Mike Crossey / Mixed by Andrew Scheps / Recorded by Jonathan Gilmore / Additional Engineering: Nate Pittsburgh Dickinson, Arnar Guðjónsson, Jacob Sciba, Joseph Holguin, Austin Thompson, Dana Sorey, Joshua Thomas / Recording Assistants: Robert Sewell, Caleb Contreras, Jonathan Lackey, Chandler Harrod, Peter Mack / String Arrangement: Karl James Pestka / Strings: Björk Óskarsdóttir (Violin), Siun Milne (Violin), Karl James Pestka (Viola), Hallgrímur Jónas Jensson (Cello) / Choir Arrangement: Dana Sorey, Monet Guthrie Shelton / Musical Director: Adam Blackstone for BASSic Black Entertainment / Choir: Tinnea Davis, Gernard Carter, Kristle Ransom, James Johnson Jr., Ariel Stokes, Mason Guthrie Jr., lyana Wakefield, Mason Guthrie, Mia Coleman, AnG White, Monet Shelton and Jeremy Lloyd, with additional leads by Traci Harris & AnG White / Recorded at Livingston Studios (London, UK), Arlyn Studios (Austin, TX), Orb Recording Studios (Austin, TX), Chicago Recording Company (Chicago, IL), Capitol Studios (Hollywood, CA), Henson Recording Studios (Los Angeles, CA), C Blake Studios (Newark, DE), Wright Way Studios (Baltimore, MD), Aeronaut Studios (Reykjavik, lceland) / Mixed at Punkerpad West (Van Nuys, CA), Punkerpad UK (Ombersley)

03 – BROKEN BONES
Produced by Kaleo and Arnar Guðjónsson / Additional Production by Jacquire King / Mixed by Andrew Scheps / Recorded by Arnar Guðjónsson / Additional Engineering: Lowell Reynolds, Kolton Lee / Recording Assistants: Sean Badum, Kolton Lee / Background Vocals: Ashley Wilcoxson, Leisa Hans, Kristjana Stefánsdóttir, Heather Rigdon / Keyboards: Tim Lauer / Percussion & Programming: Eric Darken / Programming: Jacquire King / Reconded at Aeronaut Studios (Reykjavik, lceland), Blackbird Studios (Nashville, TN) / Mixed at Punkerpad West (Van Nuys, CA), Punkerpad UK (Ombersley)

04 – GLASS HOUSE
Produced by Jacquire King / Mixed by Andrew Scheps / Recorded by Lowell Reynolds / Additional Engineering: Kolton Lee / Recording Assistants: Sean Badum, Kolton Lee / Percussion & Programming: Eric Darken / Programming: Jacquire King / Background Vocals: Jacquire King, Kolton Lee, Lowell Reynolds, Logan Wall, Ryan Maher & Aaron Dupree / Recorded at Blackbird Studios (Nashville, TN) / Mixed at Punkerpad West (Van Nuys, CA), Punkerpad UK (Ombersley)

05 – HOT BLOOD
Produced by Jacquire King / Mixed by Andrew Scheps / Recorded by Lowell Reynolds / Additional Engineering: Kolton Lee, Nate Pittsburgh Dickinson / Recordlng Assistants: Sean Badum, Kolton Lee / Background Vocals: Ashley Wilcoxson, Leisa Hans, Heather Rigdon / Keyboards: Tim Lauer / Percussion & Programming: Eric Darken / Programming: Jacquire King / Recorded at Blackbird Studios (Nashville, TN), Undertow (Nashville, TN) / Mixed at Punkerpad West (Van Nuys, CA), Punkerpad UK (Ombersley)

(Mynd KFK: Handabak)

B hliðin

06 – ALL THE PRETTY GIRLS
Produced by Kaleo and Arnar Guðjónsson / Recorded & Mixed by Arnar Guðjónsson / Additional Mixing and Editing by Mike Crossey / String Arrangement: Karl James Pestka / Strings: Karl James Pestka (Violin), Unnur Jónsdóttir (Cello) / Recorded at Aeronaut Studios (Reykjavik, lceland) / Mixed at Aeronaut Studios (Reykjavik, lceland), Livingston Studios (London, UK)

07 – AUTOMOBILE
Produced by Kaleo / Additional Production by Jacquire King / Mixed by Andrew Scheps / Recorded by Nate Pittsburgh Dickinson / Additional Engineering: Lowell Reynolds, Kolton Lee, Austin Thompson / Recording Assistants: Sean Badum, Kolton Lee, Robert Sewell, Caleb Contreras, Jonathan Lackey / Keyboards: Tim Lauer / Recorded at Blackbird Studios (Nashville, TN), Undertow (Nashville, TN), Orb Recording Studios (Austin, TX), Chicago Recording Company (Chicago, IL) / Mixed at Punkerpad West (Van Nuys, CA), Punkerpad UK (Ombersley)

08 – VOR Í VAGLASKÓGI
Produced by Kaleo and Arnar Guðjónsson / Recorded & Mixed by Arnar Guðjónsson at Aeronaut Studios (Reykjavik, lceland) /Cello by Þórður Þorsteinsson

09 – SAFE YOURSELF
Produced by Jacquire King / Mixed by Andrew Scheps and Jacquire King / Recorded by Lowell Reynolds / Additional Engineering: Kolton Lee / Recording Assistants: Sean Badum, Kolton Lee, Jasper LeMaster / Background Vocals: Ashley Wilcoxson, Leisa Hans, Heather Rigdon / String/Brass Arrangerpents: Tim Lauer / Strings: Kris Wilkinson (Viola), David Davidson (Violin), David Angell (Violin), Sari Reist (Cello) / Brass: Barry Green (Trombone & Euphonium), Jennifer Kummer (French Horn) / Percussion & Programming: Eric Darken / Programming: Jacquire King / Recorded at Blackbird Studios (Nashville, TN), Ocean Way Recording Studios (Nashville, TN) / Mixed at Punkerpad West (Van Nuys, CA), Puhkerpad UK (Ombersley), Blackbird Studios (Nashville, TN)

10 – I CAN´T OG ON WITHOUT YOU
Produced by Jacquire King / Mixed by Andrew Scheps and Jacquire King / Recorded by Lowell Reynolds / Additional Engineering: Koltoft Lee / Recording Assistants: Sean Badum, Kolton Lee, Jasper LeMaster / String Arrangements: Tim Lauer / Strings: Kris Wilkinson (Viola), David Davidson (Violin), David Angell (Violin), Sari Reist (Cello) / Percussion & Programming: Eric Darken / Programming: Jacquire King / Recorded at Blackbird Studios (Nashville, TN), Ocean Way Recording Studios (Nashville, TN) /Mixed at Punkerpad West (Van Nuys, CA), Punkerpad UK (Ombersley)

Jökull Júlíusson – Vocals, Guitar, Piano & Organ / Davíð Antonsson – Drums/Percussion & Vocals Daníel Kristjánsson – Bass / Rubin Pollock – Guitar & Vocals

All songs Written by Jökull Júlíusson [W.B.M. Music Corp. (SESAC) / Vegasalt (SESAC), all rights administered by W.B.M. Music Corp.) except: „Broken Bones’’ Written by Jökull Júlíusson and Rubin Pollock [W.B.M. Music Corp. (SESAC) / Vegasalt (SESAC) / Ruby Two (SESAC), all rights administered by W.B.M. Music Corp.) and “Vor í Vaglaskógi” Written by Jónas Jónasson and Kristján frá Djúpalæk. Arranged by Jökull Júlíusson. / Mastered by Eric Boulanger at The Bakery

Þegar Kaleo gerði samning við Senu um útgáfu, hljóðaði hann upp á tvær plötur; Kaleo og þessa A/B sem Atlantic Records sér um dreifingu á. Platan er gefin út bæði á CD og vinyl. Það má vel vera að CD formið sé handhægt og þægilegt í notkun en það er himinn og haf á milli þess og gömlu góðu LP (Long Playing) plötunar sem er ekki bara með þennan djúpa og tæra analog (Greek, ana is „according to“ and logos „relationship“) hljóm, heldur er það líka formið, útlitið og stærðin sem vegur þungt þegar gripurinn er handleikinn og skoðaður.

Útlisthönnuðurinn Matt Meiners hjá Atlantic útgáfunni á heiður skilinn fyrir fallegt, einfalt og sterkt sjónrænt umslag þar sem svart og hvítt spilar ping pong í gegnum allt ferlið frá letri til vinyl pressunar á plötunni.

Það má alveg „fabúlera“ um merkingu lita og tákna sem minna á tærleika, upphaf, frumleika, kraft, áræði og hetjulega framkomu.

(Mynd KFK: Allt að…)

Allt fram streymir…

 “I write very different songs that many would like to label into different genres. The idea of A/B is to show the diversity and the two sides of the band.” – Jökull

Sterkur taktur og mátulegur tregi eru aðalsmerki plötunar sem geymir tíu lög þar sem rokkið og blúsinn eru greinar á sama meið. Rödd Jökuls hljómar þroskuð miðað við aldur og er jafnvíg á kraftmikið rokk sem angurværan blús.

Hann á líka flest lögin og textana, utan Broken Bones með Rubin og svo hið fallega og sígilda dægurlag; Vor í Vaglaskógi með hljómsveit Ingimars Eydal sem kom út á fjögurra laga smáskífu hjá SG hljómplötum árið 1966. Lagið sem Jónas Jónasson útvarpsmaður samdi ásamt ljóðskáldinu Kristjáni frá Dúpalæk er því 50 ára um þessar mundir og ber aldurinn óvenju vel.

Daggperlur glitra, um dalinn færist ró.
Draumar þess rætast sem gistir Vaglaskóg.
Kveldrauðu skini á krækilyngið slær.
Kyrrðin er friðandi, mild og angurvær.

Textar Jökuls fjalla um allt þetta mannlega í tilverunni, óskir, drauma og þrár. Þætti sem blunda í okkur öllum og við eigum sameiginlega með lönguninni að vera og verða elskuð, að eilífu.

En hann er líka í pælingum um hver við séum og hver tilgangurinn sé.

Father tell me, we get what we deserve
Oh we get what we deserve

–

Well I don’t need much
I don’t need another friend
Bitter sweet touch
You don’t see me holding hand

–

Well little things that make you smile
Dancing barefoot in the dark
If only I had strength to change your mind
Oh for what you need
You will not see
Choose your words before you speak
Can you see that all you’ve got is time?

(Mynd KFK: Rammi)

Tenglar:

I Walk On Water (live @ Hlustendaverðlaunin 2014) – https://www.youtube.com/watch?v=VpTck9r8JU0

Kaleo spila í verslun Advania – Hlustendaverðlaunin 2014 – https://www.youtube.com/watch?v=E5QdcGoP5iA

Hjá Jimmy Kimmel í september 2016 – http://albumm.visir.is/kaleo-voru-hrikalega-flottir-hja-jimmy-kimmel-gaerkvoldi/#prettyPhoto

Í viðtalsþættinum Build Series sem er á vegum AOL – http://albumm.visir.is/jokull-juliusson-ur-kaleo-spurdur-spjorunum-ur/#prettyPhoto

Icelandic band Kaleo talks blues, classic rock roots – http://www.dailycal.org/2015/11/26/icelandic-band-kaleo-talks-blues-classic-rock-roots/

KALEO – http://press.atlanticrecords.com/kaleo/

Loyola Phoenix blaðið – http://www.loyolaphoenix.com/category/a-e/music/

Útvarpsstöðin NEW ROCK 104,1 – http://www.newrock1041.fm/pages/22806309.php?

Kaleo – Way Down We Go (Official Video) – https://www.youtube.com/watch?v=0-7IHOXkiV8

Kaleo „Way Down We Go“ Behind the Scenes – https://www.youtube.com/watch?v=3K3d8rtu9Lw

Kaleo Facebook – https://www.facebook.com/officialkaleo/

Kaleo Spotify – https://play.spotify.com/artist/7jdFEYD2LTYjfwxOdlVjmc

Icelandic band Kaleo is taking the music world by storm – http://www.pri.org/stories/2016-06-10/icelandic-band-kaleo-taking-music-world-storm

Offical – http://www.officialkaleo.com/#

Way Down We Go – https://www.youtube.com/watch?v=Rg_Eel8atHg

„Way Down We Go“ (LIVE in a volcano) – https://www.youtube.com/watch?v=9WIU5NN1Q0g

Tímaritið Rolling Stone – http://www.rollingstone.com/music/pictures/10-new-artists-you-need-to-know-february-2016-20160223/kaleo-20160222

Tónleikar U.S.A. 2016 – http://www.bandsintown.com/Kaleo

Tónleikar Evrópu 2016 – http://www.viagogo.com/ww/Concert-Tickets/Alternative-and-Indie/Kaleo-Tickets?AffiliateID=49&adposition=1o1&AdID=115370972066&PCID=PSROWGOOCONKALEOC8D539434-005730&MetroRegionID=&gclid=Cj0KEQjwgJq-BRCFqcLW8_DU9agBEiQAz8Koh_G3hHxYb5TSqS8QxcJPpYN6uNVN5E5nZ-xhp521DSwaAvGG8P8HAQ

Vor í Vaglaskógi (official video) – https://www.youtube.com/watch?v=ABx6Zdl1aIQ

Vor í Vaglaskógi texti og gítargrip – http://www.guitarparty.com/en/song/vor-i-vaglaskogi/

All The Pretty Girls (Official Video) – https://www.youtube.com/watch?v=FNwgOkl5nRY

Viðtal í SKE – http://ske.is/grein/eg-veit-ekki-alltaf-hvad-eg-vil-en-eg-veit-nokkud-vel-hvad-eg-vil-ekki

Kaleo @Hressó 22 des 2012 – https://www.youtube.com/watch?v=eBBPnPr8gCI

Discogs – https://www.discogs.com/Kaleo-AB/release/9040077

Á ferð og flugi – http://press.atlanticrecords.com/kaleo/

Twitter – https://twitter.com/officialkaleo

Analog recording – https://en.wikipedia.org/wiki/Analog_recording

Analog og Digital – http://www.centerpointaudio.com/Analog-VS-Digital.aspx

Hvers vegna hljómar analog betur en digital – https://www.cnet.com/news/why-does-analog-sound-better-than-digital/

Wikipedia – https://en.wikipedia.org/wiki/Kaleo_(band)

Save Yourself – http://blogs.wsj.com/speakeasy/2016/10/04/watch-kaleos-save-yourself-video-filmed-on-an-iceberg-exclusive/?emailToken=JRr8cflzZHqWgdIyZswW8BgTQ4NNWrDQGww%3D

909 in Studio : Kaleo – The Full Session | The Bridge – https://www.youtube.com/watch?v=990RYxLMWhE

Alsace er eitt þekktasta vínhérað Frakklands. Það er staðsett við landamæri Frakklands í austri og liggur að Þýskalandi og Sviss eftir vesturbakka Rínar. Höfuðborg Alsace er Strassbourg þar sem stór hluti af stjórnvaldi Evrópusambandsins er með bækisstöðvar.

Alsace hefur þó verið þekktara fyrir vínrækt í gegnum aldirnar og má segja að fáir staðir í Frakklandi bjóði upp á jafn fjölbreyttan jarðveg og þetta litla hérað. Landsvæðið er sannkallað mósaik-listaverk samansett af kalksteini, klettum, möl, leir og sandi. Þess vegna getur verið geysimikill munur á víni gerðu úr sömu þrúgum frá svæðum sem þó eru nálægt hvert öðru.

Vínekrur Alsace liggja í kringum lítil miðaldaþorp sem skarta þröngum steinlögðum götum og rómantískum timbur- og múrsteinshúsum með blómakerjum í hverjum glugga. Það er unaðslegt að heimsækja þetta svæði og ganga um þröngar götur þessara fallegu þorpa. Þessi heillandi blanda af franskri og þýskri menningu skilar sér í víngerðina.

Verðlækkun á Pfaff vínunum frá Alsace

Eitt þessara fallegu þorpa er Pfaffenheim. Þar stofnuðu vínræktendur og bændur samvinnufélag (e: co op) fyrir víngerðina í kringum þorpið árið 1955. Félagið hefur vaxið og dafnað og hefur nú hlotið flestar viðurklenningar Búnaðarþings Frakklands (Fr:Concours Général Agricole de Paris) og stendur almennt framar öðrum framleiðendum í Alsace. Víngerðin vinnur eingöngu með bændum sem handtína þrúgurnar af vínviðnum og krefst stöðugra framfara og nýsköpunnar af ræktendum sínum til að geta haldið áfram að búa til framúrskarandi vín. Þetta fyrirtæki heitir nú Pfaff og vín frá þeim hafa fengist lengi á Íslandi og verið söluhæstu vínin frá Alsace um árabil.

Nýlega lækkaði verð á þessum vínum og þau eru því á afar hægstæðu verði miðað við gæði.

Pfaff Pinot Gris nú kr. 2.490.

Þetta vín Fékk 4 stjörnur bæði hjá Þorra og Steingrími og 89 punkta hjá Wine Enthusiast. Vínið ber angan af blómum og sultuðum ávöxtum og er bæði frískandi og lymskulega höfugt. Liturinn er aðlaðandi gylltur eða gulleitur. Það er tignarlegt í nefi með reyktum keim af sýruríkum gulum ávöxtum. Slíkur ferskleiki býður upp á óviðjafnanlega skerpu og fágun. Í munni finnur maður perur, gular plómur og bökuð epli sem veita góðri fitu fullkomið mótvægi. Eiginleikar þessir gera vínið framúrskarandi gott með mat.

Pfaff Gewurztraminer nú kr. 2.490.

Þessi vinsæla þrúga er aðeins þéttari heldur en Pinot Gris en þó líka með hærra sykurmagni en almennt í hvítvínum. Gewürztraminer er líka mjög arómatísk þrúga en það sem er einkennandi fyrir þennan Gewürz er rósablaðailmurinn og lychee-ávöxurinn. Mikið af bökunarkryddum, mikið af negul, mikið af kardimommum hérna á bakvið. Þetta er dásamlegt jóla- og hátíðavín sem passar einnig með hangikjöti og hamborgarhrygg, ekki síður en Pinot Gris–vínið hér á undan. Og ef fólk kýs almennt frekar hvítvín umfram rauðvín þá er þetta klárlega eitthvað sem gengur með steikum. Já, hvítvín með nautasteikum!
Þetta gengur með nánast allri villibráð, rjúpunni, gæsinni og jafnvel með hreindýrinu því kryddin eru svo afgerandi, massív og veigamikil. Einnig er þetta heppilegt með mjög feitum fiski, reykta laxinum, graflaxinum. Einnig frábært með grafinni önd eða gæs og meira að segja með mjög feitum mygluostum og eftirréttum.

Ný eðal hvítvín frá Pfaff !

Nýlega byrjuðu svo 3 ný vín úr smiðju Pfaff, sannkölluð eðal hvítvín. Þessi vín eru blanda frá tveimur Grand cru ekrum, Steinert og Goldert og útkoman er hreint út æðisleg.
Steingold Gewurztraminer kr. 2.890

Gullinn litur og í nefi er það ferskt og flókið með krydduðum keim. Hvítir ávextir koma fram, engifer og kúmen ásamt blómlegu hunagsilmi og endirinn býður upp á hnetulykt. Í bragði takst á ferskleiki og sætleiki í góðu jafnvægi og þarna má jafnvel finna smá chilli og karrý. Afar flókið og skemmtilegt með góðri endingu. Vínið passar með afar mörgu, m.a. reyktu kjöti, austurlenskum fisk og kjúklingaréttum, karrýréttum ýmiskonar og fl. Þetta vín er líka verulega gott sem fordrykkur.

Steingold Pinot Gris kr. 2.890

Pinot Gris er líklega þekktasta þrúgan í Alsace og þetta vín er guðdómlegt. Þarna má finna fullt af ávöxtum, þurrkuðum kryddum, hunangi og hvítum perum. Vínið er þykkt og höfugt með góðri endingu. Vínið þykir smellpassa með foi graz og það passar með allskyns mat, fiskréttum, asískum réttum, ljósu kjöti og reyktu kjöti.

Steingold Riesling kr. 2.690

Liturinn er ljósgullinn og í nefi má finna sítrus tóna og jafnvel mandarínur, hvít blóm og smá mentól. Í munni er það afar ferskt með bleiku greipaldini, perum og blóða appelsínum. Gott jafnvægi og mikil ending. Passar vel með öllu fiski og fer afar vel með geitaosti.

Fréttatilkynning:

Í skýrslu Rauða krossins í Reykjavík, sem er birt í dag, kemur meðal annars fram að „ógnvænlegur húsnæðisskortur“ magni erfiðar aðstæður berskjaldaðs fólks í Reykjavík. Skýrslan ber heitið Fólkið í skugganum: athugun á högum lakast settu borgarbúanna.

Í skýrslunni segir að verið sé að ala upp hundruð barna í borginni til varanlegrar fátæktar.

„Þessi börn eru síður á leikskóla, taka minni þátt í íþrótta- og tómstundastarfi en börn foreldra í betri efnum, þau stunda ekki tónlistarnám og hafa almennt takmarkaðri aðgang að félagslegum tengslanetum eða öðrum gæðum samfélagsins en börn efnameiri foreldra,“ segir í skýrslunni.

Ómar Valdimarsson mannfræðingur vann skýrsluna, sem er liður í viðleitni Rauða krossins til að kanna aðstæður í nærsamfélaginu á hverjum stað. Skýrslan er samantekt úr fyrirliggjandi rannsóknum og viðtölum við á fjórða tug sérfræðinga.

„Eitt meginmarkmið Rauða krossins í Reykjavík er að greina brýnustu þarfir fyrir starf í anda félagsins á starfssvæði sínu og haga störfum sínum eftir niðurstöðum greiningarinnar. Við höfum tekið eftir því að í höfuðborginni eru hópar fólks sem ekki koma fram í greiningum á landsvísu og þessi skýrsla staðfestir það,“ segir Hermann Guðmundsson stjórnarmaður í Rauða krossinum í Reykjavík og formaður verkefnisstjórnar skýrslunnar.

Fram kemur í skýrslunni að Breiðholtið skeri sig úr öðrum hverfum borgarinnar að ýmsu leiti. Þar eru „fleiri ungar einstæðar mæður á fjárhagsstyrk, fleiri fatlaðir og fólk með geðraskanir en í öðrum hverfum borgarinnar, menntunarstig er lægra… og þar eru flestir leigjendur í félagslegu húsnæði með börn undir 18 ára aldri.“ Hins vegar kemur einnig fram í skýrslunni að í Breiðholti megi finna öflugt ungmennastarf og drífandi eldhuga.

Bent er í skýrslunni á vaxandi hóp innflytjenda á lífeyrisaldri sem eigi hvorki bótarétt hér á landi né í heimalandinu. Þá er sögð raunveruleg hætta á því að innflytjendabörn einangrist, en bent á verkefni Reykjavíkurborgar á borð við unglingasmiðjur sem taki á þeim vanda.

Dreginn er fram aðstöðumunur milli þeirra flóttamanna sem koma til landsins í boði stjórnvalda og hinna, sem fá alþjóðlega vernd á Íslandi eftir hælisleit. Svokallaðir kvótaflóttamenn fá húsnæði við hæfi, sérstakan félagslegan stuðning og ríkuleg tækifæri til íslenskunáms. Flóttafólk sem kemur í gegnum hæliskerfið þarf hins vegar að hefja líf í nýju landi með því að byrja að leita að húsnæði á afar þröngum leigumarkaði og fær mun minni sértækan stuðning.

Í skýrslunni er einnig fjallað sérstaklega um málefni fólks með fíknivanda, heimilislausra og með geðraskanir. Sömuleiðis kemur fram í henni að í heilbrigðis- og félagsmálakerfinu séu vaxandi áhyggjur af hópi ungra karla, 25 – 30 ára, sem séu atvinnulausir, þunglyndir og jafnvel í neyslu og margir á biðlistum eftir félagslegu húsnæði.

Skýrslan var gerð til að kortleggja aðstæður berskjaldaðs fólks í höfuðborginni í þeim tilgangi að geta betur brugðist við þörfum í nærsamfélaginu. Skýrslan hefur verið kynnt stjórnendum hjá Reykjavíkurborg og verður lögð til grundvallar verkefnavali Rauða krossins í Reykjavík á næstu árum.

„Heggur sá er hlífa skyldi?“ Málþing um samfélagslega ábyrgð gagnvart þolendum kynbundins ofbeldis verður haldið föstudaginn 4. nóvember, kl. 14:00–17:30, í Bíósalnum á Hótel Reykjavík Natura (áður Loftleiðahótelið).

Dagskrá

• Kristín I. Pálsdóttir, talskona Rótarinnar og verkefnisstjóri RIKK
• Guðrún Ebba Ólafsdóttir, ráðskona í Rótinni og annar höfunda bókarinnar Ekki líta undan: „Fórnarlamb falskra minninga“.
• Hallgrímur Helgason, rithöfundur og höfundur bókarinnar Sjóveikur í München: „Að þegja eða segja?“
• Þóra Sigfríður Einarsdóttir, sálfræðingur hjá Áfalla- og sálfræðimiðstöðinni: „Kynferðisbrot og fjölmiðlar“.
• Sólveig Anna Bóasdóttir, prófessor í guðfræðilegri siðfræði: „Ef fjölmiðlar hafa samband. Hugleiðingar um siðfræði, mannskilning og andóf!“

Kaffihlé

• Brynhildur G. Flóvenz, dósent í lögfræði: „Vernd brotaþola gegn birtingu persónuupplýsinga“.
• Þórunn Elísabet Bogadóttir, aðstoðarritstjóri Kjarnans: „Umfjöllun um kynferðisbrot – hvar liggja mörk fjölmiðla?“
• Umræður – Frummælendur sitja í panel

Fundarstjóri: Mikael Torfason, rithöfundur og fyrrverandi ritstjóri

Samfélagsumræða um kynferðisbrot hefur aukist mjög undanfarin ár. Þolendur koma fram og segja sínar sögur og afhjúpa ofbeldi sem hafði legið í þagnargildi. Með hjálp samfélagsmiðla hefur „valdeflingarherferðum“ þolenda, eins og Druslugöngu, Free the Nipples- og Beauty tips-byltingu, verið hleypt af stokkunum. Jafnframt berast stöðugt fréttir af því, hérlendis og erlendis, að hylmt hafi verið yfir með kynferðisbrotamönnum, jafnvel í áratugi, og þar koma við sögu valdamiklar stofnanir eins og trúarstofnanir og fjölmiðlar.

Á málþinginu verður fjallað um siðferðileg, lagaleg og sálræn álitaefni í opinberri umræðu um kynferðisbrot og ábyrgð samfélagsstofnana eins og fjölmiðla, réttarkerfisins og félagasamtaka þegar kemur að því að vernda þolendur gegn óvæginni umfjöllun. Spurt verður um siðferðislegar skyldur félagasamtaka sem nota sögur, nöfn og andlit skjólstæðinga í kynningar- og fjáröflunarstarfi. Hvert er hlutverk siðareglna fagstétta eins og blaðamanna og lögmanna? Hafa einstakir fjölmiðlar sett sér eigin siðareglur sem eiga að ná yfir slíka umfjöllun? Hafa blaðamenn þekkingu á því hvernig hægt er að birta nafnlaus viðtöl þannig að viðmælandi þekkist ekki í litlu samfélagi?

Málþingið er haldið í framhaldi af útgáfu bæklings Rótarinnar „Ef fjölmiðlar hafa samband. Leiðbeiningar fyrir brotaþola og aðstandendur“, sem kom út árið 2015. Í bæklingnum er fjallað um kosti þess og galla að segja slíkar sögur opinberlega.

Málþingið er styrkt af mannréttindaráði Reykjavíkur og Lýðheilsusjóði. Skipuleggjendur málþingsins eru RIKK – rannsóknastofnun í jafnréttisfræðum við Háskóla Íslands og Rótin – félag um málefni kvenna með áfengis- og fíknivanda.

Vertu heilsuhraust/ur og hress í allan vetur. Lærðu hvernig þú getur styrkt ónæmiskerfi þitt og þinna nánustu fyrir veturinn með heilsuvitringnum David Wolfe.

Þann 13. nóvember á milli 12:00-15:00 mun Íslandsvinurinn David Wolfe halda spennandi námskeið fyrir alla heilsunörda sem vilja læra á bestu jurtirnar og fá góð ráð fyrir heilsuna frá þessum vinalega sérfræðingi. Á námskeiðinu kennir hann meðal annars hvernig útbúa skal heilsusamleg te og lækningardrykki með staðbundinni ofurfæðu og jurtum. David mun auka þekkingu nemenda á jurtum og einnig segja frá einfaldri aðferð til að hreinsa líkamann og halda kerfinu hraustu. Hann gleymir svo heldur ekki andlegu hliðinni og minnir okkur á að nýta og njóta lífsins til hins ýtrasta. Ekki missa af þessum skemmtilega og fróðlega viðburði.

David Wolfe kemur ferskur af hinum árlega Longevity Now Conference í Anaheim, California: http://www.thelongevitynowconference.com

Þarna er farið yfir það nýjasta í óhefðbundnum lækningum og fócusinn er lengra og betra líf. Yfir 1500 manns mættu í ár, margir fleiri fylgdust með á netinu, þar af 30.000 manns á live event á facebook.

MEIRA Á: http://www.glo.is/verslun/namskeid-og-fyrirlestrar

TÍMASETNING: Sunnudagur 13. nóvember 12-15 STAÐSETNING: Gló í Fákafeni 11 VERÐ 11.900 kr

Ég hef unnið mikið undanfarin ár með tölur um framfærslu og stofnaði meðal annars hópinn Lögfestum lágmarksframfærslu á snjáldurskinnunni til að skapa einhvern vettvang fyrir þetta. Einnig hef ég setið í stjórn Samtaka Leigjenda á Íslandi síðustu ár. Skýrsla Rauða Krossins , Fólkið í skugganum er í takt við þau málefni sem hafa verið megin áhyggjuefni okkar sem höfum verið að vinna með leigjendum. Fátækt á Íslandi og kannski sérstaklega höfuðborgarsvæðinu eykst eftir því sem árin líða.

Hjálparstarf kirkjunnar, segir töluna vera um tvo af hundraði sem þýði að um 6400 einstaklingar búi „við alvarlegan skort á efnislegum gæðum, geta ekki borðað þann mat sem ráðlegt er að borða, ekki mætt óvæntum útgjöldum, ekki greitt fyrir lyf né læknisþjónustu nema að láta annað, eins og húsaleigu eða mat, sitja á hakanum…“1 Þessi niðurstaða Vilborgar rímar við rannsókn UNICEF á Íslandi2 sem telur að hlutfall barna sem líði skort á Íslandi hafi rúmlega tvöfaldast frá 2009 – úr 4% barna í rúmlega 9%. Hlutfall barna sem líði „verulegan skort“ hafi þrefaldast frá 2009 og sé nú 2,4%.”

Til að setja þetta í eitthvað samhengi hef ég tekið skjáskot af vef Velferðaráðuneytisins af reiknivél um neysluviðmið. Þarna gef ég mér einn fullorðinn með tvö börn. Þar kemur fram að neysla þessarar fjölskyldu án húsnæðiskotnaðar er 388.951,- miðað við þær forsendur sem eru í reiknivélinni. Þessi upphæð virkar kannski há en ef við gefum okkur að allir eigi bara að lifa venjulegu, mannsæmandi lífi án þess að vera að gubba af fjárhagsáhyggjum hálfan mánuðinn þá er þetta örugglega ekki óraunhæft.

Þetta var fyrir utan húsnæðiskostnað, sem á leigumarkaði á höfuðborgarsvæðinu er um 200.000,- á mánuði fyrir þriggja herbergja íbúð. Þetta gera 588.951,- á máunði í heildarkostnað.

Ef við lítum svo á launahliðina þá vitum við að til þess að vera með um 600.000,- útborgað þarf fólk að vera með vel yfir milljón á mánuði í heildartekjur.

Við skulum gefa okkur að lægstu laun/bætur/lífeyrir á Íslandi fyrir skatt séu 350.000. Miðað við skatt í dag væri viðkomandi þá með 263.163,- útborgað á mánuði. Meira að segja þarna gengur þetta ekki upp.

Auðvitað lifum við ekki raunverulega eftir neysluviðmiði Velferðaráðuneytisins en þarna er samt komið viðmið sem gefur ekki óraunhæfa mynd af kostnaði við að reka fjölskyldu og heimili. Það sér hver heilvita manneskja að þarna er svo alvarleg skekkja í gangi að ef ekki verður eitthvað alvarlega mikið að gert fljótlega mun staða margra fjölskyldna halda áfram að versna og það er lítil velferð fólgin í því.

Fundur kennara í Vogaskóla 2. nóvember samþykkti eftirfarandi yfirlýsingu mótatkvæðalaust:

Kennarar í Vogaskóla krefjast þess að Reykjavíkurborg semji strax við KÍ um kjör sem eru í samræmi við störf og menntun kennara. Kennarar hafa nú þegar fellt tvo samninga sem undir þá hafa verið bornir svo engum ætti að dyljast að þeir krefjast mun betri kjara en þar voru í boði.

Skólastarf sem standa á undir nafni verður ekki rekið nema með vel menntuðum og ánægðum kennurum. Nú er svo komið að menntuðum grunnskólakennurum fækkar ört vegna lítillar nýliðunar og kennarastéttin eldist. Það er á ábyrgð borgarstjórnar að koma í veg fyrir að þessi óheillaþróun haldi áfram í Reykjavík.

Samninganefnd Sambands íslenskra sveitarfélaga fer með samningsumboð Reykjavíkurborgar í kjaradeilum hennar við kennara. Samninganefndin virðist hafa það eitt markmið í viðræðunum að fella launakjör þeirra undir svonefnt SALEK samkomulag ríkis, sveitarfélaga og aðila almenna vinnumarkaðarins. Innan þessa samkomulags mun skólunum blæða út, ekki hægt heldur hratt.

Kennarar í Vogaskóla lýsa fullri ábyrgð á hendur skólayfirvalda í Reykjavík ef ekki tekst að halda úti eðlilegu skólahaldi í borginni á næstu dögum.

fh. kennara

Ágúst Tómasson trúnaðarmaður