Við birtum nú aðra uppskrift úr kalkúnasamkeppni Holda en það var hún Aðalbjörg Björnsdóttir sem sendi inn þessa uppskrift af dásamlegum apríkósukalkúni.
Image may be NSFW.
Clik here to view.
Fyrir þessa uppskrift hreppti Aðalbjörg eitt af fyrstu sætunum og hlýtur að launum stóran holdakalkún frá Reykjabúinu og glæsileg borðvín.
Image may be NSFW.
Clik here to view.
Apríkósukalkúnn
Fylling
1 poki apríkósur, brytjaðar
1 epli, brytjuð
10 brauðsneiðar, skornar í bita
1 tsk. múskat
3 cm engiferrót söxuð smátt
1 dl eplasafi
1 ½ tsk. salt
1 tsk. pipar
2 egg
öllu blandað saman
1 laukur
2-3 sellerístönglar
léttsteikt og blandað við fyllinguna
Fyllingunni troðið inn í
Þetta er grunnurinn sem ég nota en set oft meira af apríkósum og hef líka prófað að setja mangó í fyllinguna sem er mjög gott. Þerrið fuglinn að innan og utan og setjið fyllinguna í hann. Setjið smjörsneiðar undir skinnið hér og þar. Verið dugleg að sprauta smjöri á kalkúninn og ausa soðinu sem myndast á meðan steikingu stendur. Ég hef notað sprautu til að sprauta inn í kjötið. Best er að fylgja þessum ráðleggingum af www.kalkunn.is
„Þegar kalkúnn er steiktur er gott að byrja á því að snúa upp á vængina þannig að þeir vísi fram því þá verður fuglinn stöðugri. Oft eru leggirnir bundnir saman fyrir steikingu svo þeir standi ekki út í loftið þegar kalkúnninn er borinn fram. Bringan á fuglinum skal snúa upp þegar hann er steiktur. Líkt og með annað kjöt er steikingartími kalkúna oft miðaður við ákveðinn mínútufjölda á hvert kíló og er miðað við 40–45 mín. á hvert kíló við 150° C fyrir meðalstóran fylltan kalkún. Þó ber að hafa í huga að eftir því sem kalkúnninn er þyngri getur þurft styttri steikingartíma á hvert kíló. Ef fuglinn hefur legið í pækli getur það líka skilað sér í styttri steikingartíma.
Image may be NSFW.
Clik here to view.
Sé kalkúnninn yfir sjö kíló að þyngd er hægt að miða við 30 mín. á hvert kíló. Erfitt er þó að ráðleggja steikingartíma þar sem reynslan hefur sýnt að mikill munur er á ofnum og oft munar tugum gráða á sömu tegundum ofna. Taka skal mið af því þegar fuglinn er steiktur og varast að steikja hann of lengi. Best er að elda kalkúninn í lokuðum ofnpotti eða á grind í ofnskúffu og breiða þá yfir hann álpappír. Við mælum eindregið með notkun kjöthitamælis þegar kalkúnn er steiktur. Góð regla er að stinga mælinum í bringuna og ef vökvinn sem rennur úr er glær er fuglinn tilbúinn. Gæta skal þess að mælirinn snerti ekki bein.
Image may be NSFW.
Clik here to view.
Kalkúnninn er tilbúinn þegar kjöthitastig nær 72° C. Ef þurfa þykir er tekið ofan af fuglinum og hann brúnaður við 200–250° C þegar 15–20 mínútur eru eftir af áætluðum steikingartíma. Sumir telja réttara að brúna fuglinn áður en hann er steiktur til að loka honum og halda vökvanum í kjötinu. Nauðsynlegt er að ausa yfir fuglinn nokkrum sinnum þegar líða fer á steikingartímann. Ef fuglinn er fullsteiktur fyrir áætlaðan tíma skal taka hann úr ofninum og vefja stykki utan um steikarílátið en ekki geyma fuglinn inni í ofninum.“