Við getum ekki boðið eldri borgurum og öryrkjum upp á niðurlægingu á hverjum degi

Hjördís Heiða Ásmundsdóttir hélt þrumuræðu á fimmtudaginn var þar sem kjörum öryrkja og eldri borgara var mótmælt. Það vakti athygli Hjördísar og viðstaddra að enginn fulltrúi stjórnmálaflokkanna sá sér fært að mæta.

Eftirfarandi tilkynning um viðburðinn var send til ráðamanna:

„Hér með er óskað eftir nærveru háttvirtra alþingismanna og ráðherra fim. 3. mars. kl. 14:00 sem segir í tilkynningu neðanmáls: Kulsælum alþingismönnum og ráðherrum er bent á að fá sér sæti inn í Tryggingastofnun Ríkisins (TR). Þar eru nýjir sófar og því óþarft að standa úti í kuldanum og láta kuldabola bíta sig í kinnarnar.  Svo má líka keyra framhjá í upphituðum ráðherrabílum, flauta nett og vekja þannig athygli á framtaki Heiðu og ekki síst sýna stuðning í VERKI .

Við eigum líka rétt!

,,Mótmæli!!! Mætum og mótmælum framkomu velferðarráðuneytisins og undirstofnana, TR og SÍ/hjálpartækjamiðstöðin gagnvart eldri borgurum og öryrkjum! Ætlum við að samþykkja með þögn niðurlægingar og lögbrot gagnvart þessum hópum! Mikið að fólki sem hefur engin tök á að mótmæla sjálft, kemst ekki milli staða og hafa ekki tök á að standa úti í kulda og mótmæla. Sameinumst og stöndum og sitjum með fólkinu okkar! Börn öryrkja eiga LÍKA rétt á mannsæmandi lífi, flíkum og mat í ískápnum meira en viku af hverjum mánuði!!! Hvetjum alla í kringum okkur til að sameinast og mótmæla framkoma við þessa hópa!
SJÁUMST ÖLL 3. MARS FYRIR FRAMAN TR KL.14!!!“  STUÐNINGSMENN“

Ræðu Hjördísar má sjá hér:
Ljósmynd er eftir Andres Zoran Ivanovic.