Quantcast
Channel: Kvennablaðið
Viewing all articles
Browse latest Browse all 8283

Guðrún Bryndís þakkar gott boð Pírata

$
0
0

Í gær birti Kvennablaðið grein Guðrúnar Bryndísar Karlsdóttur þar sem hún kvaddi Framsóknarflokkinn og lýsti veru sinni og innviðum flokksins á þeim stutta tíma sem hún gegndi skyldum stjórnmálamanns.

Strax í gærkvöldi kom boð frá Pírötum þar sem þeir buðu henni að taka sæti á lista Pírata í Reykjavík. Um er að ræða 14. sætið.

Í samtali við Kvennablaðið sagðist Guðrún Bryndís ekki hafa í hyggju að þiggja þetta góða boð Pírata þar sem hún ætlaði nú að taka sér hlé frá stjórnmálum en sagði að hún hefði boðið Pírötum krafta sína og mun hún hitta þá innan tíðar og deila með þeim þekkingu sinni á ýmsum málum er varða framtíð flugvallarins og borgarmál almennt.

Kvennablaðið spurði Guðrúnu hvort hún hefði fengið viðbrögð við grein sinni frá  framsóknarmönnum og tjáði Guðrún okkur að enginn hefði haft samband utan nýskipaður oddviti Sveinbjörg Birna Sveinbjörnsdóttir sem sendi henni skilaboðin:

Flott grein í Kvennablaðinu Guðrún mín.


Sveinbjörg leiðir nýjan lista Framsóknar sem heitir nú Framsóknarflokkurinn og flugvallarvinir. Konur skipa fjögur efstu sæti nýja listans en þær eru:

Sveinbjörg Birna Sveinbjörnsdóttir, héraðsdómslögmaður

Guðfinna Jóhanna Guðmundsdóttir, héraðsdómslögmaður

Gréta Björg Egilsdóttir, íþróttafræðingur

Jóna Björg Sætran, menntunarfræðingur og markþjálfi

 


Viewing all articles
Browse latest Browse all 8283